ԵՐԵՎԱՆ, 16 օգոստոսի – Sputnik. Սոչիի իշխանությունները բնակիչներին տարհանման են պատրաստում հնարավոր տեղատարափ անձրևների և մրրիկների պատճառով։ Նրանք հանձնարարել են վրանային ճամբարներ տեղադրել գետերի մոտ, հաղորդում է ՌԻԱ Նովոստին։
Սոչիի քաղաքապետարանի տվյալներով՝ ուրբաթ փոթորկի նախազգուշացում է հայտարարվել տեղատարափ անձրևների, կարկուտի և ծովի վրա մրրիկներ ձևավորվելու սպառնալիքի պատճառով։ Գետերում հնարավոր է ջրի մակարդակի կտրուկ բարձրացում։ Եղանակի վատացում է կանխատեսվում նաև հանգստյան օրերին։
Միջոցներ և ուժեր են նախապատրաստվել բնակիչների տարհանման համար։
Հուլիսի վերջին արդեն իսկ Սոչիում հորդառատ անձրևներ են եղել, որոնց հետևանքով գետերի մեջ սողանքներ են լցվել։ Ջուրը դուրս է եկել ափերից, կենտրոնական շրջանում վնասվել են ավտոճանապարհները, սահմանվել է արտակարգ ռեժիմ։
