ԵՐԵՎԱՆ, 14 օգոստոսի - Sputnik. Նյու Յորք–Շանհայ չվերթն իրականացնող չինական China Eastern Airlines ավիաընկերության Boeing-777 օդանավը վերադարձել է օդանավակայան թռիչքից երկու ժամ անց, հայտնել է Airlive հարթակը։
Պատճառն ինքնաթիռի թևի վրայից բացակայող մասն էր, որն ազդում է ամբարձիչ ուժի առաջացման և դիմադրության վրա։
China Eastern Boeing 777-300ER loses piece of spoiler and adjacent panel on left wing; safely returns to New York’s JFK airport https://t.co/9lXssvEoc3 pic.twitter.com/HBT3YgB52L
— Aviation24.be (@aviation24_be) August 13, 2019
Ինչպես պատմում է Շանհայի Shine պարբերականը, չվերթի ուղևորներից մեկը նկատել էր անհրաժեշտ մասի բացակայությունը և հայտնել այդ մասին օդանավի անձնակազմին։
Որոշում էր կայացվել վերադառնալ օդանավակայան։ Վայրէջքից առաջ օդաչուները մի քանի պտույտ են կատարել օդանավակայանի շուրջ վառելիք սպառելու համար, որից հետո հաջող վայրէջք են կատարել։ Ինքնաթիռում շուրջ 300 մարդ է եղել, ոչ ոք չի տուժել։
Ավելի վաղ անսարքության պատճառով Utair ավիաընկերությանը պատկանող Boeing-735–ը վերադարձել էր Տյումենի օդանավակայան։ Ինքնաթիռը հասցրել էր բարձրություն հավաքել, սակայն որոշ ժամանակ անց աշխատել է շասսիի անսարքության տվիչը։ Օդանավում ավելի քան 100 ուղևոր է եղել։ Ինքնաթիռը վառելիք է սպառել և հաջող վայրէջք կատարել։
Երևան–Մոսկվա չվերթը չի կայացել. Boeing 737-ում տեխնիկական խնդիրներ են հայտնաբերվել
