ԵՐԵՎԱՆ, 14 օգոստոսի – Sputnik, Աստղիկ Սուքիասյան.
Երևանում մեկնարկել է «Նորաձևության և արվեստի ցուցահանդես բարեգործական վաճառք» նախագիծը, որին մասնակցում են երիտասարդ դիզայներներ Իտալիայից, Դուբայից, Նյու Յորքից և Հայաստանից:
Ցուցադրությանը ներկայացված են նրբաճաշակ երեկոյան զգեստներ, բնական կաշվից իտալական կոշիկներ, յուրօրինակ շարֆեր և յուտայից հետաքրքիր պայուսակներ:
![«Նորաձևության և արվեստի» ցուցահանդես Երևանում. ինչ կտա այն հայ դիզայներներին «Նորաձևության և արվեստի» ցուցահանդես Երևանում. ինչ կտա այն հայ դիզայներներին - Sputnik Արմենիա](https://cdn.am.sputniknews.ru/img/2006/62/20066215_0:0:1600:1068_600x0_80_0_0_2dbe4456dc504eaadae4193f653136f6.jpg)
«Հուսով եմ՝ բոլորին դուր կգա այս ցուցահանդեսը: Սա ևս մեկ առիթ է, որպեսզի մարդիկ շփվեն իրար հետ, մտքեր փոխանակեն: Միշտ փորձում եմ հայ դիզայներներին դնել մյուս դիզայներների կողքին: Ինձ դա հաճույք է պատճառում, քանի որ ցույց ենք տալիս, որ Հայաստանում ևս կան ներուժ ունեցող դիզայներներ»,- Sputnik Արմենիայի հետ զրույցում նշեց «Նորաձևության և արվեստի ցուցահանդես բարեգործական վաճառք» նախագծի կազմակերպիչ Տարիել Բիշարյանը՝ հավելելով, որ ցուցահանդեսի գնային քաղաքականությունը նույնպես հարմարեցված է Հայաստանին:
Կարելի է իրեր ձեռք բերել 25.000 դրամից սկսած մինչև 2000 ԱՄՆ դոլարով:
![«Նորաձևության և արվեստի» ցուցահանդես Երևանում. ինչ կտա այն հայ դիզայներներին «Նորաձևության և արվեստի» ցուցահանդես Երևանում. ինչ կտա այն հայ դիզայներներին - Sputnik Արմենիա](https://cdn.am.sputniknews.ru/img/2006/61/20066119_0:0:1600:1068_600x0_80_0_0_10f45565588d25b2b543a90f1b469753.jpg)
«Artuyt» հայկական ապրանքատեսակն արդեն 2 տարի է՝ ներկայացվում է նաև Միլանի «Նորաձևության շաբաթվա» շրջանակներում։
«Մեր գերնպատակն է հայկական արվեստի տարածումը ամբողջ աշխարհում: Մենք մետաքսե շարֆերի վրա թվայնացնում ենք հայ հայտնի և ոչ այնքան հայտնի նկարիչների գլուխգործոցները»,-ասում է «Artuyt»-ի համահիմնադիր Հովհաննես Պետրոսյանը, նշելով, որ ունեն նաև արհեստական կտորներից շարֆեր, որոնք կարելի է ձեռք բերել մետաքսից մատչելի գնով:
![«Նորաձևության և արվեստի» ցուցահանդես Երևանում. ինչ կտա այն հայ դիզայներներին «Նորաձևության և արվեստի» ցուցահանդես Երևանում. ինչ կտա այն հայ դիզայներներին - Sputnik Արմենիա](https://cdn.am.sputniknews.ru/img/2006/61/20066137_0:0:1600:1068_600x0_80_0_0_814fcff83c4b8d395f21dc9ca9d4a637.jpg)
«Նորաձևության և արվեստի ցուցահանդես բարեգործական վաճառք» նախագծի կազմակերպիչները համագործակցում են «Օրրան» բարեգործական կազմակերպության հետ, որի սաները նույնպես հնարավորություն կունենան դիզայներների օգնությամբ ստեղծել իրենց փոքրիկ հավաքածուն, որը կներկայացնեն ցուցահանդեսի փակման օրը:
Ինչպես հայ դիզայներ eLSi-ին գրավեց հեղինակավոր ֆեշն–հյուպատոսին
«Մենք բացի կրթական ծրագրերից, երեխաներին սովորեցնում ենք նաև արհեստներ. կար, փայտամշակում, կավագործություն, որոնք հնարավորություն են տալիս որակյալ մասնագետներ դառնալ»,-ասաց «Օրրանի» կրթական ծրագրերի համակարգող Սոնա Մալխասյանը:
![«Նորաձևության և արվեստի» ցուցահանդես Երևանում. ինչ կտա այն հայ դիզայներներին «Նորաձևության և արվեստի» ցուցահանդես Երևանում. ինչ կտա այն հայ դիզայներներին - Sputnik Արմենիա](https://cdn.am.sputniknews.ru/img/2006/61/20066110_0:0:1600:1068_600x0_80_0_0_e3d292cdd8a4b35bbdfd11c3ca6fe27f.jpg)
Ի դեպ, այս ցուցահանդեսից հետո երեխաներից մի քանիսն արդեն որոշել են դիզայներ դառնալ: Նրանցից ոմանք նույնիսկ երազում են իրենց սեփական բրենդը ստեղծելու մասին:
Դիզայներ Հայկ Ավանեսյանը հիացրել է նորաձևության սիրահար ուկրաինուհիներին