ԵՐԵՎԱՆ, 12 օգոստոսի — Sputnik. Հայաստանում Մեծ Բրիտանիայի դեսպանի պաշտոնում նշանակվել է Ալան Անդրանիկ Գոգբաշյանը։ Համապատասխան հայտարարությունը հրապարակվել է Մեծ Բրիտանիայի կառավարության կայքում։
2019 թվականի սեպտեմբերին նոր դեսպանը կփոխարինի Ջուդիթ Ֆարնվորթին, որը կզբաղեցնի դիվանագիտական այլ պաշտոն:
Գոգբաշյանը Մեծ Բրիտանիայի ԱԳՆ համակարգում աշխատում է 2008 թվականից, 2017-2018 թվականներին ղեկավարել է ԱԳՆ միջազգային կադրերի բաժինը։
Մեծ Բրիտանիայի կառավարության պաշտոնական կայքում հրապարակած տեղեկության համաձայն` Ալան Գոգբաշյանը ռուսաց լեզվի ուսուցման ամբողջական կուրս է անցել։
