ԵՐԵՎԱՆ, 9 օգոստոսի — Sputnik. Ռուսաստանը շարունակում է հակված մնալ ղարաբաղյան հակամարտության հարցում խաղաղ գործընթացի առաջխաղացման բազմակողմանի աջակցությանը։ Այսօր ճեպազրույցի ժամանակ այս մասին ասաց ՌԴ ԱԳՆ պաշտոնական ներկայացուցիչ Մարիա Զախարովան։
Ինչ վերաբերում է Լեռնային Ղարաբաղի վերջնական կարգավիճակին, ապա Զախարովան ընդգծեց, որ Ռուսաստանի դիրքորոշումն անփոփոխ է. հարցը պետք է որոշվի Հայաստանի ու Ադրբեջանի բանակցությունների ճանապարհով։
«Մենք գոհունակությամբ ենք նշում, որ Հայաստանի ու Ադրբեջանի շփման գծում այսօր հարաբերական անդորր է։ Միաժամանակ մենք անհանգստացած ենք, որ կողմերը տարբեր պատրվակներով շարունակում են փոխադարձ մեղադրանքներ հնչեցնել», – ասել է Զախարովան։
Գալստյան. «Ադրբեջանը երբեք չի հրաժարվել ղարաբաղյան խնդրի վերաբերյալ իր մոտեցումներից»
Նրա խոսքով` նման հռետորաբանությունը չի նպաստում բանակցությունների համար բարենպաստ պայմանների ձևավորմանն ու փոխզիջումների որոնմանը։
Մնացականյանն ու Լավրովը քննարկել են ղարաբաղյան հիմնախնդրի կարգավորման հարցերը
