ԵՐԵՎԱՆ, 9 օգոստոսի — Sputnik. Այսօր «Սուրբ Գրիգոր Լուսավորիչ» բժշկական կենտրոն է տեղափոխվել 34-ամյա մի տղամարդ, որի մարմնին բազմաթիվ վնասվածքներ են եղել։ Sputnik Արմենիայի տեղեկություններով` նա հիվանդանոց է տեղափոխվել Մյասնիկյան պողոտայում գտնվող կիսակառույց շինության տարածքից, որտեղ շինարարական աշխատանքներ են ընթանում:
Ըստ լուրերի՝ ոստիկանները պարզել են տեղի ունեցածի մանրամասներն ու բերման ենթարկել շինարարական աշխատանքներ կատարող 37-ամյա մի տղամարդու: Վերջինս ու հիվանդանոց տեղափոխված տղամարդը շինհրապարակում վիճել են:
Այդ ընթացքում 37-ամյա տղամարդը վերցրել է երկաթե ամրան կտրելու համար նախատեսված մեծ մկրատն ու բազմաթիվ հարվածներ հասցրել գործընկերոջ մարմնի տարբեր մասերին: Ներկաները միջամտել են, վերցրել մկրատն ու ահազանգել շտապօգնություն:
Արտառոց դեպք Լոռիում. տղամարդը կրակել է կատաղած շանը, բայց վնասել 9-ամյա աղջկան
Մեր տեղեկություններով՝ տուժածը վերակենդանացման բաժանմունքում է: Բժիշկներին հաջողվել է փրկել տղամարդու կյանքը:
