Բաբկեն Պիպոյանը կարծում է, որ հանրային ծառայությունների ոլորտում, այդ թվում էլեկտրաէներգիայի սպասարկում իրականացնող էլեկտրական ցանցերի նկատմամբ երկար տարիներ ունեցել ենք ոչ ճիշտ մոտեցում։
«Խաղի կանոնները պետք է սահմանի պետությունը և պետք է գնահատի ու լինի ազնիվ թե՛ քաղաքացու, թե՛ բիզնեսի նկատմամբ: Խաղի կանոնները մնացել են նույնը, իրավունքները և օրենսդրությունը մնացել է նույնը»,- ասում է նա:
Խնդրին լուծում տալու համար նա առաջարկներ ունի. առաջինը՝ անհրաժեշտ է սպառողի իրավունքի հստակ ձևակերպում ունենալ: Այնուհետև պետք է լինի համապատասխան որակավորում, հավատարմագրում ունեցող լաբորատորիայի փորձագետ, որի տված եզրակացությունների հիման վրա էլ կիրականացվի փոխհատուցման գործընթացը:
«Ըստ էության, քաղիրավական հարթության մեջ ընդհուպ մինչև դատական կարգով կարող է վերականգնվել սպառողի իրավունքը: Պետք է նկատենք, որ ունեցել ենք այնպիսի ահազանգեր, երբ եղել է փորձագիտական խումբ, որոնց որպես փորձագետ ճանաչել են ՀԷՑ-ը և էկոնոմիկայի նախարարությունը: Վերջինս հանդիսանում է ոլորտում քաղաքականություն իրականացնող մարմին և անգամ տեղյակ չի եղել այդ խմբի, այդ խմբի գործունեության մասին: Խումբն էլ առանց ստուգելու գրել է եզրակացություն, որ, օրինակ, չի փչացել հեռուստացույցը»,- նշում է Պիպոյանը:
Կարա՞գ, թե՞ ալպիական. ո՞րն է հոգեպես ավելի ազնիվ… Օգտատիրոջ ահազանգի «յուղածո» հետքերով
Նրա խոսքով՝ երբ ընթացակարգերը մշակված չեն, ըստ էության արտադատական կարգով լուծումներ գտնելու ճանապարհին հանդիպում են այնպիսի խոչընդոտների, երբ ստիպված են լինում գործն ուղղորդել դատարան:
«Իսկ քանի քաղաքացի հետևողականորեն կգնա մինչև վերջ, այն դեպքում, երբ դիմում է մի քանի նախարարությունների, դիմում է Հանրային ծառայությունները կարգավորող հանձնաժողովին և պետությունից որպես ինստիտուտ չի ստանում այն ազդակները, որոնք իրեն հնարավորություն կտան հավատալ և պայքարել սեփական իրավունքների համար», - հստակեցնում է բանախոսը:
Նա ընդգծում է, որ մասսայական հոսանքազրկումների, տատանումների և այդ բացասական ազդեցությունների շղթայի մասով գործադիր իշխանությունը և Հանրային ծառայությունները կարգավորող հանձնաժողովը պետք է գնահատեին հնարավոր ռիսկերը: Ավելին՝ պետք է հնչեր այդ ամենի քաղաքական գնահատականը:
«Կաթնամթերքի շուկայում հսկողությունը պետք է չափազանց խիստ լինի». Բաբկեն Պիպոյան
