ԵՐԵՎԱՆ, 7 օգոստոսի — Sputnik. «Միսս Հայաստան», «Վիցե միսս Եվրոպա 2005» գեղեցկուհի Լուսինե Թովմասյանը երկրորդ անգամ մայրացել է։ Այս մասին գեղեցկուհին գրել է Instagram-ի իր էջում՝ հրապարակելով ամուսնու , դստեր և նորածին որդու լուսանկարը։
«Լույս աշխարհ եկավ նա.... նա, ով այնքան սպասված և այնքան սիրված էր, որ չի կարող անգամ պատկերացնել։ Մեր հրաշք և երջանկություն..... շնորհակալ ենք , որ ընտրեցիր հենց մեզ, և փոխեցիր մեր կյանքի ընթացքն ու իմաստը։ Սիրում ենք քեզ անսահման, մեր Ալեք 04.08.2019»,-լուսանկարին կից գրել է Լուսինեն։
View this post on Instagram
Նրա էջի հետորդները ջերմ բարեմաղթանքներ են հղել և խաղաղ մանկություն մաղթել փոքրիկին։
Sputnik Արմենիայի հետ զրույցում Լուսին Թովմասյանի քույրը՝ Իրինան պատմեց, որ տեսել է փոքրիկ Ալեքի լուսանկարը. նա Լուսինեի կրկնօրինակն է։ Իրինայի խոսքով` Լուսինեն ընտանիքի հետ Հայաստան կվերադառնա սեպտեմբերին:
Նշենք, որ Լուսինե Թովմասյանի հղիության մասին լուրերը տարածվեցին դեռևս հունվարին։ Այս ընթացքում գեղեցկուհին պարբերաբար լուսանկարներ էր հրապարակում իր սոցցանցերի էջերում և նշում, որ անչափ սպասում է իր որդուն։
Հիշեցնենք, որ Լուսինե Թովմասյանն ու Արթուր Հովհաննիսյանն ամուսնացել են 2013 թվականի օգոստոսի 31-ին։ Նրանց դուստրը ՝Արիանան 4 տարեկան է։
