ԵՐԵՎԱՆ, 6 օգոստոսի – Sputnik. Այսօր Երևանում կանխվել է ինքնասպանության հերթական դեպքը: Sputnik Արմենիայի տեղեկություններով` այս անգամ ծայրահեղ քայլի էր պատրաստվել դիմել 26-ամյա մի երիտասարդ, որը Երևանի բնակիչ է:
Կիևյան կամրջի երկաթե ճաղավանդակների մյուս կողմ անցած և Հրազդանի կիրճ նետվել պատրաստվող տղային տեսել են կամրջի վրա ծառայող ոստիկանները, որոնք վազքով մոտեցել են նրան ու սկսել բացատրական զրույց վարել:
Մոտ կես ժամ զրուցելով՝ ոստիկանները մոտեցել են նրան ու անցկացրել անվտանգ գոտի:
Սարսափելի դեպք Հայաստանում. ավտոմեքենայի սրահում մոխրացած դի է հայտնաբերվել
Ըստ որոշ տեղեկությունների՝ երիտասարդը մտադրվել էր կյանքին վերջ տալ սոցիալական խնդիրների պատճառով: Այս է իրական պատճառը, թե այլ պատճառներ էլ կան, պարզում են իրավապահները:
Կոտայքում ավտոմեքենան գլորվել է ձորը. վարորդը տեղում մահացել է
