ԵՐԵՎԱՆ, 5 օգոստոսի — Sputnik. Ռոստովի մարզի Ճանապարհային տեխնիկումի ուսանող Հովսեփ Գևորգյանը այրվող տնից փրկել է Կամենսկ Շախտինսկի քաղաքի բնակչուհուն։ Այս մասին հայտնում է ՌԴ ԱԻՆ–ի` Ռոստովի գծով գլխավոր մարզային վարչությունը։
Մագադանում հրդեհից հետո փրկարարները վերակենդանացնում են կատվի ձագերին. տեսանյութ
Գերատեսչությունը հայտնում է, որ Հովսեփ Գևորգյանը մոտակայքում է եղել, երբ տեսել է կրակն ու վազել այրվող շենքի ուղղությամբ։
«Կոմսոմոլսկայա պրավդա» թերթի տվյալների համաձայն` նա ընկերոջ հետ տուն գնալիս է եղել, երբ բղավոցներ է լսել։ Ընկերը վազել է, որ տեսնի` ինչ տուն է այրվում, իսկ Հովսեփը հենց տան կողմ է վազել։ Հավաքվածները փորձել են կանգնեցնել երիտասարդին, բղավել են` ո՞ւր ես գնում, մի՛ արա, բայց Հովսեփն ասել է, որ այնտեղ կարող է մարդ մնացած լինի։ Տղան չի սխալվել, քանի որ դռան մոտ կին է նստած եղել, որը չի կարողացել դուրս գալ։ Հետո պարզվել է, որ նա հաշմանդամ է։
«Ես գրկեցի նրան։ Հետո ծանոթս եկավ, ասացի` սայլակը վերցրու։ Ու մենք կարողացանք տանտիրուհուն իր սայլակով այնքան հեռու տանել, որ այլևս վտանգ չկար։ Ինչ–որ մեկն այդ պահին արդեն հրշեջներին էր զանգում։ Նրանք արագ եկան ու մարեցին կրակը»,– ասել է նա։
Տունն ամբողջությամբ այրվել է. Վոլգոգրադում հայը հրաշքով փրկել է կնոջն ու 5 երեխաներին
Հովսեփը խոստովանել է, որ չի մտածել վտանգի մասին, ու եթե պետք լինի, նորից այրվող տուն կմտնի։ Ուսանողն իրեն հերոս չի համարում, նա վստահ է, որ մարդկային սովորական քայլ է արել։
Դեպքի վայր ժամանակ հրշեջները նրան շնորհակալություն են հայտնել անձնվիրության համար։
Ինչպես խուսափել վթարների դեպքում հնարավոր զոհերից. Արսեն Թորոսյանն առաջարկներ ներկայացրեց
