ԵՐԵՎԱՆ, 5 օգոստոսի — Sputnik. Ռուսաստանի նկատմամբ ամերիկյան նոր պատժամիջոցներն ուժի մեջ կմտնեն օգոստոսի 26-ին։ Այս մասին փոխանցում է ՌԻԱ Նովոստին` հղում անելով ԱՄՆ ֆինանսների նախարարությանը։
Օգոստոսի 2-ին հայտնի դարձավ, որ ԱՄՆ նախագահ Դոնալդ Թրամփը հակառուսական պատժամիջոցների երկրորդ փաթեթը կիրառելու մասին հրաման է ստորագրել, որը կապում են 2018 թվականին մարտին Մեծ Բրիտանիայում նախկին ռուս սպա Սերգեյ Սկրիպալի ու նրա դստեր թունավորման փորձի հետ։ Ավելի վաղ նշվում էր, որ այդ սահմանափակումները ուժի մեջ կմտնեն օգոստոսի 19-ից։
Անդրադառնալով ամերիկյան կողմի որոշմանը Ռուսաստանի պաշտոնական ներկայացուցիչ Մարիա Զախարովան հայտարարել էր, որ նոր պատժամիջոցները հիմնականում նախորդ տարիներին կիրառված միջոցների կրկնությունն են։
ԱՄՆ–ն ուզում է Թուրքիային պատժել, բայց այնպես, որ չհրի Ռուսաստանի գիրկը
Նշենք, որ պատժամիջոցների շրջանակում ԱՄՆ–նկարգելի ֆինանսական կազմակերպություններին (Համաշխարհային բանկ, ԱՄՀ) Ռուսաստանին վարկեր տրամադրել։ Ամերիկյան բանկերին կարգելեն ռուբլիով մասնակցել սուվերեն պարտքի առաջնային տեղաբաշխմանը և ռուսական կառավարության վարկավորմանը։ Նախատեսվում է նաև սահմանափակել Ռուսաստան մի շարք նյութերի, ապրանքների և տեխնիկայի արտահանումը։
Հիշեցնենք` Ռուսաստանի նկատմամբ ԱՄՆ պատժամիջոցների առաջին փաթեթն ուժի մեջ էր մտել 2018 թվականի օգոստոսի 27-ին։
