ԵՐԵՎԱՆ, 4 օոգոստոսի – Sputnik. Հայաստանը հաղթեց «Միջազգային բանակային խաղեր-2019» մրցաշարի շրջանակում անցկացվող «Խաղաղության մարտիկ» մրցույթի առաջին փուլում, որն անցկացվում է Դիլիջանում։ Այս մասին հայտնում է Ռուսաստանի պաշտպանության նախարարության Հարավային ռազմական օկրուգի մամուլի ծառայությունը։
![Հայաստանը հաղթեց «Խաղաղության մարտիկ» մրցույթի առաջին փուլում Հայաստանը հաղթեց «Խաղաղության մարտիկ» մրցույթի առաջին փուլում - Sputnik Արմենիա](https://cdn.am.sputniknews.ru/img/1993/03/19930398_0:0:1205:804_600x0_80_0_0_9e4ba26ebc2109fcedd2ac176c1dff99.jpg)
Ռազմա-մարզային կողմնորոշման «Պրոֆեսիոնալ» փուլի ընթացքում, որն անցկացվում է IOF-ի միջազգային կանոններով, մասնակիցները լեռնային ճանապարհով հաղթահարել են 2,5-3,5 կմ։
![Հայաստանը հաղթեց «Խաղաղության մարտիկ» մրցույթի առաջին փուլում Հայաստանը հաղթեց «Խաղաղության մարտիկ» մրցույթի առաջին փուլում - Sputnik Արմենիա](https://cdn.am.sputniknews.ru/img/1993/03/19930393_0:0:1600:1200_600x0_80_0_0_5a7b8dbaf9a4df429c5b7509459b8e08.jpg)
Մոտենալով վերջնակետին՝ մարզիկները գտնվելու վայրը որոշել են քարտեզով ու կողմնացույցով։ Մրցույթի վերջում հանձնաժողովը հաշվի է առել երթուղու հաղթահարման ժամանակն ու քարտեզի վրա նշումներով թիմերի կողմնորոշվելու ունակությունները։
Հայաստանյան լեռները ոգեշնչել են «Խաղաղության մարտիկի» մրցումների մասնակիցներին
Հավաքած միավորներով Հայաստանի թիմը զբաղեցրել է առաջին հորիզոնականը, երկրորդ տեղում Իրանի մարզիկներն են, երրորդում՝ Ռուսաստանի, չորրորդում՝ Բելառուսի, հինգերորդում՝ Ղազախստանի, վեցերորդ տեղն զբաղեցրել են հունաստանցի մարզիկները։
![Հայաստանը հաղթեց «Խաղաղության մարտիկ» մրցույթի առաջին փուլում Հայաստանը հաղթեց «Խաղաղության մարտիկ» մրցույթի առաջին փուլում - Sputnik Արմենիա](https://cdn.am.sputniknews.ru/img/1993/03/19930388_0:0:1600:1067_600x0_80_0_0_af62de7379e584887cba1decef9040a1.jpg)
Ռազմա-մարզային կողմնորոշման մրցույթի յուրահատկությունը անծանոթ լեռնային տեղանքն է ու «էքստրեմալ» շոգ կլիմիայական պայմանները, որոնք ազդում են մարզիկների ֆիզիկական տվյալների վրա։
![Հայաստանը հաղթեց «Խաղաղության մարտիկ» մրցույթի առաջին փուլում Հայաստանը հաղթեց «Խաղաղության մարտիկ» մրցույթի առաջին փուլում - Sputnik Արմենիա](https://cdn.am.sputniknews.ru/img/1993/03/19930338_0:0:1600:1067_600x0_80_0_0_9b49944e2010fce33bec49185182d7bf.jpg)
Մրցույթին մասնակցել են զինվորներ, նավաստիներ, սերժանտներ ու պայմանագրային զինծառայողներ` Հայաստանից, Բելառուսից, Հունաստանից, Իրանից, Ղազախստանից ու Ռուսաստանից։ Նրանցից 18-ը տղամարդ է, 6-ը` կին։
![Հայաստանը հաղթեց «Խաղաղության մարտիկ» մրցույթի առաջին փուլում Հայաստանը հաղթեց «Խաղաղության մարտիկ» մրցույթի առաջին փուլում - Sputnik Արմենիա](https://cdn.am.sputniknews.ru/img/1993/03/19930368_0:0:1600:1067_600x0_80_0_0_13565607caa211c31c633c220423af27.jpg)
Հիշեցնենք` «Խաղաղության մարտիկ» մրցումներն անց են կացվում 2009թ.–ից սկսած`Համաբանակային միջազգային 5-րդ խաղերի շրջանակներում։ Հայաստանում դրանք անցկացվում են արդեն երկրորդ անգամ։
Մրցումների վերջին օրը օգոստոսի 15-ն է:
![Հայաստանը հաղթեց «Խաղաղության մարտիկ» մրցույթի առաջին փուլում Հայաստանը հաղթեց «Խաղաղության մարտիկ» մրցույթի առաջին փուլում - Sputnik Արմենիա](https://cdn.am.sputniknews.ru/img/1993/02/19930248_0:0:1600:1067_600x0_80_0_0_826e37e10a325642d0a8834fd1a1392a.jpg)