Երևանյան հաստատություններից մեկի շեֆ-խոհարարը «Թիբոն» սթեյքի պատրաստման համար ամերիկացիների կողմից բարձր գնահատանքի է արժանացել ։ Այս մասին Sputnik Արմենիայի թղթակցի հետ զրույցում ասաց սու-շեֆ Վահե Մարկոսյանը։
Նա 23 տարեկան է և արդեն յոթ տարի խոհարար է աշխատում։ Պատրաստել մանկուց է սիրել, իսկ այսօր այն իր աշխատանքի բաղկացուցիչ մասն է կազմում։
«Սթեյքը մեզ մոտ մեծ պահանջարկ ունի։ Ի դեպ, մի անգամ ԱՄՆ-ից հյուրեր ունեինք, նրանք բավականին բարձր գնահատեցին մեր վարպետությունը», - ասաց Մարկոսյանը։
Նրա խոսքով՝ ամերիկացիները չափազանց զարմացած էին․ նրանք չէին սպասում, որ Հայաստանում այդքան բարձրորակ սթեյք կարող են գտնել։
Իսկ թե ինչպես այն պատրաստել` ներկայացնում ենք ստորև.
«Թիբոն» սթեյքի համար պետք է օգտագործել փափուկ միս, իսկ համեմունքներից` միայն աղ ու պղպեղ։
Սկզբում մշակում ենք միսն ու համեմում աղով ու պղպեղով։ Սու-շեֆը խորհուրդ է տալիս ծովի աղ օգտագործել։ Նրա կարծիքով՝ այն սթեյքն ավելի համեղ է դարձնում։ Միսը տեղադրում ենք սթեքյի համար նախատեսված հատուկ վառարանում։
Այս բաղադրատոմսերը պետք է իմանա յուրաքանչյուրը. թոփ 5 ամառային հայկական ճաշատեսակներ
Խոհարարը կարծում է, որ տան պայմաններում դժվար է նման համ ստանալ ու լավագույն արդյունք ստանալու համար խորհուրդ է տալիս սթեյքի պատրաստել դրա համար նախատեսված մասնագիտացված հաստատություններում։
Ուտեստն անպայման մատուցվում է հետաքրքիր սոուսով, ուրցով ու լոլիկով։ Բարի ախորժակ։
