ԵՐԵՎԱՆ, 3 օգոստոսի – Sputnik. Հուլիսի 28-ից օգոստոսի 3-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է ավելի քան 900 անգամ։ Այս մասին հայտնում է Արցախի պաշտպանության նախարարության մամուլի ծառայությունը։
«Նշված ժամանակահատվածում հակառակորդը տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է շուրջ 600 կրակոց»,– նշված է հաղորդագրության մեջ:
ՊԲ առաջապահ զորամասերը ձեռնպահ են մնացել հակառակորդի սադրիչ գործողություններին պատասխանելուց և շարունակել վստահորեն իրականացնել իրենց առջև դրված մարտական խնդիրը:
Նշենք, որ Ադրբեջանը նախորդ շաբաթ հրադադարի պահպանման ռեժիմը խախտել էր 150 անգամ, իսկ հայ դիրքապահների ուղղությամբ արձակել ավելի քան 1300 կրակոց։
Լռություն բանակցային գործընթացում, կրակոցներ` սահմանին. ինչո՞ւ է ակտիվացել Ադրբեջանը
