ԵՐԵՎԱՆ, 1 օգոստոսի — Sputnik. Ռուսաստանի ու Թուրքիայի հարաբերությունը կարելի է տարբեր կերպ բնութագրել, բայց դրանք հաստատ չի կարելի ջերմ անվանել։ Այսօր Երևանում հայ փորձագետների հետ հանդիպման ժամանակ ասաց այս մասին ասաց ռուս հայտնի քաղաքագետ, «Ռուսաստանը գլոբալ քաղաքականությունում» ամսագրի գլխավոր խմբագիր Ֆյոդր Լուկյանովը։
Փորձագետի խոսքով` Ռուսաստանի և Թուրքիայի հարաբերությունը հիմնված է պրագմատիզմի վրա, փոխվստահության մակարդակը շատ ցածր է, ու երկուսն էլ հասկանում են, որ կարող են միմյանց մեծ վնաս հասցնել։
Ռուսաստանը Թուրքիային որպես ռազմավարական գործընկեր չի դիտարկում։ Այո, Թուրքիան պետք է ՌԴ–ին ու դեռ երկար է պետք լինելու, բայց ռազմավարական դաշնակից չէ։
«Սկսած Սիրիայում ռուսական գործողությունից ու ռուսական ինքնաթիռի վրա թուրքական ՌՕՈւ–ի հարձակումից` երկու երկրի վերջին չորս տարվա հարաբերություններն ակնհայտորեն ցույց տվեցին` ով ինչի է ընդունակ։ Ի դեպ, շատերը զարմացան, թե ինչպես Ռուսաստանը պատասխանեց ինքնաթիռի հարձակմանը։ Կարծում էին, թե հիմա հարված կհասցնի, բայց պատասխանելու բավականին հնարամիտ տարբերակ մտածվեց», – ասաց Լուկյանովը։
Օրինակ` Ռուսաստանում սկսեցին գիտակցել քրդական հարցի արդարությունն ու դրա հետևանքները, որոնք շատ արագ հասկացան նաև Թուրքիայում։ Արդյունքում բոլորովին այլ պրագմատիկ եզրակացություն արվեց։ Հանգեցին նրան, որ կողմերը պետք են միմյանց։ Դա փոխադարձ անհրաժեշտության սթափ գիտակցում էր, բայց ոչ հիանալի հարաբերությունների պատրանք։
Քաղաքագետը կարծում է, որ С–400 համալիրները Թուրքիային մատակարարելը Մոսկվան զուտ որպես բիզնես է ընկալում։
«Աշխարհաքաղաքական առումով Թուրքիան և Ռուսաստանը մրցակիցներ, հակառակորդներ են». Սաֆրաստյան
Անդրադառնալով Անկարայի զավթողական տրամադրություններին` Լուկյանովը նշեց, որ պանթուրքիզմը հեռանկարներ չունի։
«Թուրքիան նման դերակատարություն «չի ձգի»։ Փայլուն մտավորական Ահմեդ Դավութօղլուի հայեցակարգը հանգեցրեց այնպիսի կործանիչ հետևանքի, որ ընդհանրապես ի՞նչ պանթուրքիզմի մասին կարելի է խոսել։ Թուրքիան այն երկիրը չէ, որը կարող է ապահովել Ուզբեկստանի կամ Ղազախստանի հզոր զարգացումը», – նշեց փորձագետը։
Նշենք` հանդիպումը կազմակերպվել էր Sputnik Արմենիա մուլտիմեդիոն կենտրոնում SputnikPro նախագծի շրջանակում։
Թուրքիան Ռուսաստանից կարող է գնել C-400-երի ևս մի քանի մարտկոց. պաշտոնաթող գեներալ
