ԵՐԵՎԱՆ, 1 օգոստոսի - Sputnik. Իջևանի քաղաքային մշակույթի տան նախկին տնօրենն ու «Իջևանի վերնատուն» պատկերասրահի նախկին տնօրենը չարաշահումներ են թույլ տվել, որոնք բացահայտվել են ԱԱԾ-ի և ոստիկանության ԿՀԴՊ գլխավոր վարչության աշխատակիցների համագործակցության շնորհիվ:
Ինչպես տեղեկացնում է ՀՀ ոստիկանության պաշտոնական կայքը՝ նախնական տվյալներով պարզվել է, որ 2016 թվականին Իջևանի քաղաքային մշակույթի տան նախկին տնօրենը հաստատությունում որպես մեթոդիստ գրանցել է մի անձի, որը փաստացի աշխատանքի չի ներկայացել, իսկ նրա անվամբ դուրս գրված աշխատավարձը՝ ընդհանուր 644․000 դրամ, տնօրենը վատնել է։
Ըստ հաղորդագրության՝ «Իջևանի վերնատուն» պատկերասրահի նախկին տնօրենն էլ 2016-ից 2018 թվականներին ամուսնու և երեխաների հետ բնակվել է մայրաքաղաքում ու փաստացի աշխատանքի չի ներկայացել, սակայն ստացել է ընդհանուր 5․000․000 դրամ աշխատավարձ։ Բացի այդ, պարզվել է, որ աշխատանքի չի ներկայացել նաև պատկերասրահում որպես լրագրող գրանցված մի աշխատակից։ Նրա անվամբ դուրս գրված աշխատավարձը՝ ընդհանուր 3․000․000 դրամ, տնօրենը վատնել է։
Դեպքերի առթիվ քրեական գործեր են հարուցվել։
Հանգամանանքերը նախաքննությամբ պարզվում են։
Կրկին չարաշահումներ են բացահայտվել. Եղվարդի դպրոցի տնօրենին մեղադրանք է առաջադրվել
