ԵՐԵՎԱՆ, 30 հուլիսի – Sputnik. Ֆրանսիայի մայրաքաղաք Փարիզում անցկացված Քիմիայի 51-րդ միջազգային օլիմպիադայում Հայաստանի թիմը նվաճել է 1 բրոնզե մեդալ և 2 գովասանագիր։ Այս մասին հայտնում է ՀՀ կրթության, գիտության, մշակույթի և սպորտի նախարարությունը։
![Հայ դպրոցականը բրոնզ է նվաճել Փարիզում Հայ դպրոցականը բրոնզ է նվաճել Փարիզում - Sputnik Արմենիա](https://cdn.am.sputniknews.ru/img/1984/31/19843137_0:0:1000:667_600x0_80_0_0_534fb74ff9efc8c797ea7908a2fd75a9.jpg)
Բրոնզե մեդալ է նվաճել Երևանի «Հերացի» ավագ դպրոցի 12-րդ դասարանի աշակերտ Մովսես Աղեկյանը, իսկ նույն դպրոցի 12-րդ դասարանի աշակերտ Հովհաննես Մաթևոսյանը և Վանաձորի թիվ 11 ավագ դպրոցի աշակերտ Լևոն Խառատյանն արժանացել են գովասանագրերի։ Մեր թիմը ղեկավարում էին Քիմիայի օլիմպիադայի հանրապետական հանձնաժողովի նախագահ Անդրանիկ Դավինյանը և անդամ Արմեն Գալստյանը։
![Հայ դպրոցականը բրոնզ է նվաճել Փարիզում Հայ դպրոցականը բրոնզ է նվաճել Փարիզում - Sputnik Արմենիա](https://cdn.am.sputniknews.ru/img/1984/31/19843142_0:0:750:563_600x0_80_0_0_391a688653ccad2475ac2b5196139f4d.jpg)
Քիմիայի միջազգային օլիմպիադայում բոլոր մրցույթներն անցկացվում են երկու փուլերով՝ տեսական և փորձարարական։ Մրցույթին յուրաքանչյուր երկրից կարող է մասնակցել առավելագույնը 4 աշակերտ։
Հուլիսի 21-ից 30-ն անցկացված օլիմպիադային մասնակցել են 80 երկրի շուրջ 300 աշակերտ։
Արայիկ Հարությունյանը կիրակին սկսել է լավ լուրով
2018 թ-ի օլիմպիադայում, որն անցկացվել էր Սլովակիայում և Չեխիայում, մեր թիմը մրցանակների չէր արժանացել։
Մեդալներ ունենք. հայ երեխաները արծաթ ու բրոնզ են նվաճել Մեծ Բրիտանիայում
Առջևում Աստղագիտության և Աստղաֆիզիկայի միջազգային օլիմպիադան է, որն անցկացվելու է օգոստոսի 2-10-ը Հունգարիայի Կեստհեյ քաղաքում։