ԵՐԵՎԱՆ, 27 հուլիսի – Sputnik. Ինֆորմատիկայի միջազգային օլիմպիադայում Հայաստանի աշակերտները 2 բրոնզե մեդալ են շահել։
Այս մասին իր Facebook-ի իր էջում գրել է ՀՀ կրթության, գիտության, մշակույթի և սպորտի նախարար Արայիկ Հարությունյանը:
«Կիրակին սկսում ենք լավ լուրով։ Ինֆորմատիկայի միջազգային օլիմպիադայի ընթացքում Քվանտ վարժարանի սաներ Ալեքսանդր Աբելյանը և Սամվել Անդրեասյանը արժանացել են բրոնզե մեդալի»,–գրել է նախարարը:
Լավ լուր` Արայիկ Հարությունյանից. բոլոր երեխաները Հայաստան են վերադառնում մեդալներով
Հարությունյանը հիշեցրել է, որ նախորդ տարի մենք մրցանակային տեղ չէինք ունեցել ինֆորմատիկայի միջազգային օլիմպիադայից:
Հիշեցնենք, որ հուլիսի 21–ին կենսաբանության 30-րդ միջազգային օլիմպիադայում Հայաստանը ներկայացնող Արմեն Պետրոսյանն արժանացել էր բրոնզե մեդալի։
