ԵՐԵՎԱՆ, 25 հուլիսի — Sputnik. 2016 թվականի օլիմպիական խաղերի արծաթե մեդալակիր, հունահռոմեական ոճի ըմբիշ Միհրան Հարությունյանը Instagram-ի իր էջում նոր տեսանյութ է հրապարակել, որում նա մարզվում է հոր՝ Էդիկ Հարությունյանի հետ:
View this post on Instagram
«Էդիկ Հարությունյանը պարտվել չգիտի: Հ.Գ. Մեր ըմբշամարտը մեկնաբանում է հայտնի դաղնստանցի մենաբանը»,-տեսանյութին կից գրել է Միհրանը:
Ավելի վաղ ըմբիշը նոր տեսանյութ էր հրապարակել, որում նրա հայրն օգնում էր նրան հագնել և կոճկել սպորտային բաճկոնը:
«Քանի դեռ մեր ծնողները ողջ են, մենք միշտ մեզ երեխա ենք զգալու»,-տեսանյութին կից գրել էր մարզիկը:
«Մալադեց». Միհրան Հարությունյանին ապագա հաղթանակների է պատրաստում Սվետլանա Անդրեևան
Հիշեցնենք` հայ մարզիկն ավելի վաղ հայտարարել էր, որ վերադառնում է ըմբշամարտ և մտադիր է 2020 թվականին մասնակցել Տոկիոյում կայանալիք օլիմպիական խաղերին:
Ըմբիշի խոսքով` ինքը մտադիր է վերցնել այն, ինչը պատկանում է իրեն`ակնարկելով, որ ուզում է տիրանալ օլիմպիական խաղերի ոսկե մեդալին:
