ԵՐԵՎԱՆ, 27 հուլիսի — Sputnik. Հայաստանի Վայոց Ձորի մարզը ակնաբուժական բարձրորակ ծառայություններով կապահովի։ Facebook–ի իր էջում այս մասին գրել է ՀՀ առողջապահության նախարար Արսեն Թորոսյանը։
«Հայկական ակնաբուժական նախագծի հետ հանդիպման արդյունքներով որոշեցինք, որ նրանց 5-րդ մարզային կենտրոնը կբացվի Եղեգնաձոր քաղաքում։ Կենտրոնը կապահովի Վայոց Ձորի մարզը բարձրորակ ակնաբուժական ծառայություններով` ներառյալ աչքի վիրահատությունները»,–գրել է նախարարը։
Նրա խոսքով` որոշել են նաև, որ մասնագետների համատեղ այցելություններ կլինեն Վայոց Ձորի սահմանամերձ գյուղեր՝ բնակիչներին տեղում ակնաբուժական և ստոմատոլոգիական բուժօգնություն ցույց տալու համար։
Հիշեցնենք, որ «Հայկական ակնաբուժության նախագիծ» բարեգործական հիմնադրամի ներկայացուցիչներին վերջերս ընդունել էր ՀՀ նախագահ Արմեն Սարգսյանը։ Հանդիպմանը նախագահին էին ներկայացվել «Հայկական ակնաբուժության նախագիծ» հիմնադրամի կողմից Հայաստանում իրականցվող և առաջիկա ծրագրերը:
Ինչպես խուսափել վթարների դեպքում հնարավոր զոհերից. Արսեն Թորոսյանն առաջարկներ ներկայացրեց
Նշվել էր, որ եթե գործունեության առաջին տարիներին հիմնադրամի ծրագրերն ուղղված էին զուտ տեսողության վերականգնմանը, ապա վերջին տարիներին շեշտը դրվում է կուրության կանխարգելման վրա, հատկապես, ծրագրեր են իրականացվում մանկական կուրության կանխարգելման ուղղությամբ:
