ԵՐԵՎԱՆ, 27 հունիսի – Sputnik. Եվրոպայի մինչև 19 տարեկանների առաջնության եզրափակիչում կայացած Իսպանիա–Պորտուգալիա հանդիպումն ավարտվեց 2։0 հաշվով։
Երևանի «Հանրապետական» մարզադաշտում անցկացվող խաղը շատ հանգիստ մեկնարկ ունեցավ: Իհարկե, զգացվում էր խաղի ներքին լարվածությունը, և, բնականաբար, Պորտուգալիայի և Իսպանիայի հավաքականները շատ լավ գիտակցում էին խաղի և կարևորությունը, և նշանակությունը: Սակայն աստիճանաբար կողմերը սկսեցին ակտիվանալ:
Մրցող կողմերը շատ ուշադիր էին պաշտպանությունում և ռիսկի չէին դիմում հարձակվելիս:
Խաղը մի փոքր ակտիվացավ առաջին կեսի վերջնամասում, և պատճառը իսպանական «Վալենսիայի» և Իսպանիայի հավաքականի ֆուտբոլիստ Ֆեռնան Տոռեսի դիպուկ հարվածն էր: Իսպանացիները օգտագործեցին խառնաշփոթը Պորտուգալիայի հավաքականի պաշտպանությունում, և Տոռեսը կիսաշրջադարձ հարվածով բացեց հաշիվը:
Հայ ֆուտբոլիստներն աշխարհի առաջնության եզրափակիչ փուլերում. ովքե՞ր են նրանք
Ընդմիջումից հետո Տոռեսը կրկնեց իր հաջողությունն ու հանդիպման ավարտից 40 րոպե առաջ Իսպանիայի հավաքականը լուրջ հայտ ներկայացրեց եզրափակիչում հաղթանակի հասնելու համար: Պորտուգալիայի հավաքականը ամեն ինչ արեց խաղի ընթացքը բեկելու համար: Բայց իսպանացիները այս խաղում անգերազանցելի էին իրենց խաղով:
