ԵՐԵՎԱՆ, 27 Հուլիս — Sputnik. Ստաս Միխայլովի կինը՝ Իննան, «Ժառա» փառատոնի հաղորդավարի հարցի պատճառով մեծ իրարանցում է սարքել Բաքվում։ Հաղորդավարը հարցրել էր՝ ո՞վ է ավելի հզոր՝ Միխայլո՞վը, թե՞ Լեպսը։ Այս մասին հայտնում է Super.ru–ն։
View this post on Instagram
Ադրբեջանի մայրաքաղաք Բաքվում անցկացվող «Ժառա» փառատոնի ժամանակ Ստաս Միխայլովի ու Գրիգորի Լեպսի ստեղծագործական երեկոն էր։ Կազմակերպիչների մտահղացմամբ՝ երգիչների միջև յուրօրինակ ստեղծագործական մարտ պետք է կայանար։ Բայց ականատեսներն ասում են, որ Ստաս Միխայլովի կինը հոգեպես պատրաստ չէր նման ձևաչափին։
««Աշխարհի լավագույն կինը» վիրավորվել է հաղորդավարի հարցից՝ «Ի՞նչ եք կարծում՝ ո՞վ է ավելի հզոր, Ստաս Միխայլո՞վը, թե՞ Գրիգորի Լեպսը»։ Այսպիսի սկանդալ դեռ չէր եղել ոչ մի բաթլի ժամանակ։ Կատաղած կինն ուղղակի «կարկուտ էր թափում» կազմակերպիչների գլխին»,-Super.ru-ին պատմել է ականատեսներից մեկը։
Տիկին Միխայլովան սա արտիստի նկատմամբ անհարգալից վերաբերմունք է որակել՝ պահանջելով գործից ազատել նաև հաղորդավարին, որը համարձակվել է նման համեմատություն անել։
Դժգոհ, նեղացած ու իրավորված Միխայլով ամուսինները, պարբերականի հաղորդմամբ, առավոտյան չվերթով լքել են Բաքուն։
«Ժառա 2019» միջազգային երաժշտական փառատոնը տեղի է ունենում Բաքվում հուլիսի 25-28-ին։
Համերգ չի լինի. Ստաս Միխայլովի համերգի տոմսերը ենթակա են վերադարձի
