ԵՐԵՎԱՆ, 26 հուլիսի — Sputnik. ՀՀ արդարադատության նախարար Ռուստամ Բադասյանը դիմել է Վենետիկի հանձնաժողովին՝ Ստամբուլյան կոնվենցիայի վերաբերյալ հատուկ կարծիք ստանալու համար: Հայտնում է Վենետիկի հանձնաժողովի պաշտոնական կայքը:
«Հայաստանի արդարադատության նախարարը խնդրեց Վենետիկի հանձնաժողովին կարծիք հայտնելու Եվրոպայի Խորհրդի «Կանանց նկատմամբ բռնության կանխարգելման և բռնության և ընտանեկան բռնության» (Ստամբուլի կոնվենցիա) վավերացման մասին սահմանադրական հետևանքների վերաբերյալ»,- նշված է հանձնաժողովի կայքում հրապարակված հաղորդագրության մեջ։
նշենք, որ Եվրոպայի խորհրդի անդամ 47 պետությունից կոնվենցիան վավերացրել են 34-ը, ստորագրել են 11-ը, այդ թվում՝ Հայաստանը։ Ռուսաստանը և Ադրբեջանը չեն ստորագրել այն, իսկ Բուլղարիան կոնվենցիան հակասահմանադրական է ճանաչել։
Միասեռ ամուսնությունից մինչև ծառայությունից խուսափել. Ստամբուլյան կոնվենցիայի վտանգները
Փաստաթղթի մի շարք դրույթներ թեժ քննարկումներ են առաջացրել Հայաստանում։ Մասնավորապես` ազգային և պահպանողական շրջանակները դրանում տեսնում են քողարկված ականներ, որոնք նպատակաուղղված են ընտանիքի ինստիտուտի քայքայմանն ու ավանդական արժեքային կողմնորոշիչների ոչնչացմանը:
