ԵՐԵՎԱՆ, 26 հուլիսի – Sputnik. Մոտ 100 ուղևոր չկայացած չվերթի պատճառով մնացել են Եգիպտոսում մնացած ՀՀ քաղաքացիները դեռ Եգիպտոսում են։ Sputnik Արմենիային այս մասին ասաց Կահիրեում Հայաստանի հյուպատոս Ռաֆայել Մովսեսյանը։
«Այս պահի դրությամբ քաղաքացիները դեռևս գտնվում են Եգիպտոսում, դեսպանությունը մշտական կապի մեջ է թե՛ քաղաքացիների, թե՛ ավիափոխադրողի հետ։ Մոտակա ժամերին հույս ունեն նոր տեղեկատվություն հրապարակել։ Ամենայն հավանականությամբ չվերթն այսօր մինչև երեկո կկայանա»,– ասաց նա։
Ավելի վաղ տեղեկացրել էինք, որ Հայաստանից Եգիպտոս մեկնած մոտ 100 քաղաքացիներ չեն կարողանում վերադառնալ հայրենիք Հուրգադա–Երևան OTF 370 ավիաչվերթը հետաձգելու պատճառով։ A&R tour ընկերությունը տոմսեր և տուրեր է վաճառել Եգիպտոս (Շարմ էլ Շեյխ և Հուրգադա), հետո չեղարկել է բոլոր չվերթերը։
Երեկ առավոտից Հուրգադայում մնացած հայ զբոսաշրջիկների` A&R tour ընկերության հաճախորդների ազգականները հավաքվել էին ընկերության գրասենյակի մոտ։
Նրանց միացել էին այլ զբոսաշրջային գործակալությունների ներկայացուցիչներ, որոնք A&R tour–ի միջոցով փաթեթներ են ամրագրել։ Նրանք պարզաբանումներ էին պահանջում չվերթն ուշացնելու համար, որի հետևանքով Հայաստանի ավելի քան 120 քաղաքացի չեն կարողանում տուն վերադառնալ։
Ու՞ր մեկնել, եթե վիզա ստանալու ժամանակ ու նյարդեր չունեք. թոփ 5 երկրներ
