ԵՐԵՎԱՆ, 25 հուլիսի — Sputnik. Forbes ամսագրի ռուսական հրատարակչությունը հրապարակել է «Շոու-բիզնեսի և սպորտի ամենահաջողակ աստղեր 2019» վարկանիշային աղյուսակը: Այս մասին տեղեկանում ենք forbes.ru կայքից:
Խաչանովն իր տեղը զիջեց հույնին. թենիսիստը զբաղեցրել է 12–րդ տեղը ATP վարկանիշում
Ռուսական Forbes–ի հրապարակած մինչև 40 տարեկաների 40 ամենահաջողակների շարքերում հայտնվել են նաև ռուսական սպորտի և շոու-բիզնեսի ներկայացուցիչները, որոնք հայկական ծագում ունեն:
![Հայկական արմատներով հաջողակ աստղերն ընդգրկվել են Forbes–ի վարկանիշում. ովքե՞ր են նրանք Հայկական արմատներով հաջողակ աստղերն ընդգրկվել են Forbes–ի վարկանիշում. ովքե՞ր են նրանք - Sputnik Արմենիա](https://cdn.am.sputniknews.ru/img/991/09/9910995_0:0:1920:2200_600x0_80_0_0_08e689af9e3edaab70078e3ff7ed54c2.jpg)
Թենիսի աշխարհի վարկանիշային աղյուսակում 11-րդ հորիզոնականը զբաղեցնող Կարեն Խաչանովը ռուսական Forbes-ի 20-րդ տեղում է`իր հաշվեհամարին 4.1 մլն դոլարով: 2018 թվականի նոյեմբերին Խաչանովը հաղթանակ տարավ թոփ տասնյակի 4 թենիսիստների հանդեպ, որոնց թվում էր նաև Նովակա Ջոկովիչը:
«Հարբեցողության հիմն». թողարկվել է Միշա Գալուստյանի և Ռևայի տեսահոլովակը․ տեսանյութ
22-րդ հորիզոնականում է հայտնվել շոումեն և կատակերգական դերասան Միխայիլ Գալուստյանը, ում եկամուտը կազմում է 2.2 մլն դոլար, իսկ Instagram սոցիալական ցանցի հետևորդների թիվը`10 միլիոնի:
![Հայկական արմատներով հաջողակ աստղերն ընդգրկվել են Forbes–ի վարկանիշում. ովքե՞ր են նրանք Հայկական արմատներով հաջողակ աստղերն ընդգրկվել են Forbes–ի վարկանիշում. ովքե՞ր են նրանք - Sputnik Արմենիա](https://cdn.am.sputniknews.ru/img/1743/79/17437991_0:0:2672:2047_600x0_80_0_0_a088d2621194b57911d356d36a55b094.jpg)
Միխայիլ Գալուստյանը նաև եղել է մեկ այլ՝ «40 տարեկանից ցածր ամենահաջողակ երգիծաբանների – 2019» վարկանիշային աղյուսակում:
Թռչող Մեդվեդևան և Զագիտովայի խաղալիքները. գեղասահքի ԱԱ լավագույն լուսանկարները
Վարկանշային աղյուսակի վերջին տեղում հայտնվել է հայկական արմատներով ռուս գեղասահորդուհի Եվգենիա Մեդվեդևան (Բաբասյան): Աշխարհի կրկնակի չեմպիոն (2016 և 2017 թ.) և տվյալ վարկանիշի ամենաերիտասարդ ներկայացուցիչներից մեկն իր հաշվին ունի 700 հազար դոլար: