ԵՐԵՎԱՆ, 25 հուլիսի — Sputnik. Երևանում կրակոցներ են հնչել ԺՈՒԿ նախագահ Մանուել Գասպարյանի տան մոտ։ Այս մասին հայտնում է shamshyan.com-ը։
Հուլիսի 24-ին, ժամը 23։40-ի սահմանում Ոստիկանության Քանաքեռ-Զեյթունի բաժինն ահազանգ էր ստացել, որ Գերցենի փողոցի թիվ 20 տան մոտ կրակոցներ են հնչել։ Դեպքի վայր ժամանած ոստիկանները պարզել էին, որ նշված տան մոտակայքում փողոցով անկանոն երթևեկելու պատճառով վիճաբանություն էր սկսվել նշված տան բնակիչ 44-ամյա Մանուել Գասպարյանի և մեկ այլ քաղաքացու միջև։
Կրակոցներ Երևանում. վարորդին դուր չի եկել իրեն ուղղված նկատողությունը
Որոշ ժամանակ անց այդ քաղաքացին իր ընկերների հետ վերադարձել էր Մ․ Գասպարյանի տան մոտ ու կոպտորեն խախտել հասարակական կարգը, իր մոտ եղած ատրճանակից մի քանի անկանոն կրակոց արձակել և ընկերների հետ լքել տարածքը։
Կրակոցներ Անկարայում. Բելառուսի դեսպանության խորհրդականը ծանր վիճակում է
Ոստիկանները դեպքի վայրի զննությամբ հայտնաբերել են կրակված պարկուճ։ Այժմ ձեռնարկվում են անհրաժեշտ օպերատիվ-հետախուզական միջոցառումներ, ինչպես նշված անձին, այնպես էլ նրա հետ եղած անձանց հայտնաբերելու ուղղությամբ։
Մանուել Գասպարյանը տարիներ առաջ մահացած, Ազգային ժողովի նախկին պատգամավոր, «Ժողովրդավարական ուղի» կուսակցության հիմնադիր-նախագահ Մանուկ Գասպարյանի որդին է։
