ԵՐԵՎԱՆ, 25 հուլիսի — Sputnik. Արցախի նախկին փոխվարչապետ, «Մարտիկ» հիմնադրամի հոգաբարձուների խորհրդի նախագահ Արթուր Աղաբեկյանի նկատմամբ հարուցված քրեական հետապնդումը դադարեցվել է։ Այս մասին Sputnik Արմանիային հայտնեց ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը:
Զինծառայողի մահվան քրգործով ձերբակալվել է դիրքի ավագը
Քրեական հետապնդումը դադարեցվել է հանցակազմի բացակայության հիմքով, այն բանից հետո, երբ Աղաբեկյանը վերականգնել է պետությանը պատճառած վնասը՝ 63 մլն ՀՀ դրամը։
Իջևանում բողոքի ակցիայի մասնակիցներից ևս 7-ին մեղադրանք է առաջադրվել. մեկը հետախուզվում է
Հիշեցնենք` 2018թ–ի սեպտեմբերին ՀՀ Քննչական կոմիտեն հայտարարել էր, որ մեծածավալ քննչական գործողությունների արդյունքում «Մարտիկ» հիմնադրամում առանձնապես խոշոր գումարի վատնման դեպքեր են բացահայտվել։ Այդ փաստերով մեղադրանք էր առաջադրվել հիմնադրամի հոգաբարձուների խորհրդի նախագահ Արթուր Աղաբեկյանին, նրա նկատմամբ որպես խափանման միջոց էր ընտրվել ստորագրությունը՝ չհեռանալու մասին։
Գնդեվազի նախկին գյուղապետը միլիոնների վնաս է պատճառել պետությանը
Արթուր Աղաբեկյանը հայտարարել էր, որ չի ընդունում մեղադրանքը։
