ԵՐԵՎԱՆ, 23 հուլիսի - Sputnik. Երևան քաղաքի Դավթաշենի կամրջից ինքնասպանություն է գործել 35-40 տարեկան տղամարդ: Այս մասին տեղեկացանք ԱԻՆ պաշտոնական կայքից:
Հաղորդվում է, որ հուլիսի 23-ին, ժամը 17:11-ին «911» ծառայությանն ահազանգ է ստացվել, որ քաղաքացին նետվել է Երևան քաղաքի Դավթաշենի կամրջից. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ և Ճգնաժամային կառավարման ազգային կենտրոնի օպերատիվ խումբը:
Հաղորդագրության մեջ նշվում է, որ քաղաքացու անձը դեռևս պարզված չէ: Նախարարությունից խոստանում են ավելի ուշ այդ մասին տեղեկություն հաղորդել:
Զովունիում 34-ամյա տղամարդը երեխաների աչքի առաջ ինքնասպանություն է գործել
