Հարսանիքի ժամանակ հարսը սիրո մասին երգը ժեստերի լեզվով է «երգել» խուլ փեսայի համար և իր քայլով հուզել հավաքվածներին։
Հարսանիքը տեղի է ունեցել 2018 թվականի հունվարի 26-ին։ Ինչպես խոստովանել է հարսը` Էլիզաբեթը, իր սիրելին խուլ է, բայց շատ զգայուն սիրտ ունի։
«Սքոթն ինձ բոլորից լավ է հասկանում։ Այնպես էի ուզում շնորհակալություն հայտնել այն երջանկության համար, որ նա պարգևել է ինձ», – հարցազրույցներից մեկում ասել է Էլիզաբեթը։
Եվ նա ժեստերի լեզվով սովորել էր Քրիստինա Փերիի «Հազար տարի» սիրո մասին երգը, ինչը զարմացրել ու հիացրել է ոչ միայն Սքոթին, այլև հյուրերին։
«Էլեկտրիկ» տղամարդկանց պարը հարսանիքի ժամանակ. զվարճալի տեսանյութ
Հարսանիքից առաջ Էլիզաբեթը շատ է հուզվել, բայց երգելու պահին որսացել է Սքոթի հայացքը, և ամեն ինչ տեղն է ընկել։
«Ես իսկապես զգում էի, որ մենք սենյակում մենակ ենք։ Երբ սկսեցի ժեստերով փոխանցել երգի բառերը, նա արտասվեց։ Երևի մյուս հյուրերը նույնպես, բայց ես միայն Սքոթին էի նայում ու մյուսներին չէի նկատում», – պատմել է նա։
«Իմ սերն ընդմիշտ է». երիտասարդ ավստրալիացին մահացել է իր շքեղ հարսանիքի հաջորդ օրը
Նրանց տեսանյութը հազարավոր մարդիկ են դիտել և երախտագիտությամբ լի մեկնաբանություններ գրել։ Հաշմանդամ երեխաների ծնողները գրել են` Էլիզաբեթը հույս է տվել իրենց զավակներին, որ նրանք էլ իրենց սերը կգտնեն։
Էլիզաբեթը պատմել է, որ 7 տարեկանում Cartoon Connection մանկական ծրագրով սովորել է ժեստերի լեզուն, բայց այն պետք է եկել միայն ապագա ամուսնու հետ ծանոթանալուց հետո։
Հայկական ավանդական հարսանիք. ինչու էին հնում հայուհիները կարմիր ու կանաչ հագնում
