ԵՐԵՎԱՆ, 18 հուլիսի — Sputnik. Տավուշի մարզում իրականացվող ճանապարհաշինական ծրագրում այս պահին 200 թափուր աշխատատեղ կա։ Այս մասին կառավարության նիստում հայտարարեց Տարածքային կառավարման և ենթակառուցվածքների նախարար Սուրեն Պապիկյանը։
Նրա խոսքով` իրեն այդ մասին զեկուցել է Տավուշի մարզպետ Հայկ Չոբանյանը, որը երեկ ցուցարարների հետ հանդիպմանը նրանց աշխատանք է առաջարկել, բայց մերժում ստացել։
«Առաջարկը հնչել է մարզպետի կողմից, չեն արձագանքել, ասել են, որ ունեն մեկ պահանջ և այդ պահանջը պիտի կատարվի»,– ասաց Պապիկյանը։
«Ասացի՞ք, որ այդ պահանջը չի կտարվելու։ Տեղյա՞կ են բոլորը»,– հարցրեց Փաշինյանը։
Ի պատասխան նախարարը վստահեցրեց, որ այդ հայտարարությունը երեկ փոխանցվել է բողոքի ակցիայի մասնակից իջևանցիներին։
Մյուսներն ո՞ւր են . Փաշինյանը պահանջում է գտնել Իջևանի դեպքերի բոլոր մասնակիցներին
Հիշեցնենք` երեկ` հուլիսի 17-ի ուշ երեկոյան Իջևանում անտառահատումների պահանջով ճանապարհը փակած ցուցարարների և ոստիկանության ծառայողների միջև բախումներ էին տեղի ունեցել, ինչի հետևանքով ոստիկանության 12 ծառայողներ ու 2 քաղաքացի վիրավորվել է:
Դեպքի վայր էր մեկնել նաև ՀՀ ոստիկանության պետ Վալերիյ Օսիպյանը, Իջևան էին տեղափոխվել նաև մեծ քանակությամբ ոստիկանության ուժեր։
