ԵՐԵՎԱՆ, 16 հուլիսի — Sputnik. ՀՀ վարչապետ Նիկոլ Փաշինյանի որոշմամբ` Վարդան Մելիքյանը նշանակվել է շրջակա միջավայրի նախարարի տեղակալ: Այս մասին հայտնում է ՀՀ կառավարության տեղեկատվության ծառայությունը։
Նշենք, որ Վարդան Մելիքյանն աշխատում էր ՄԱԿ–ի հայաստանյան գրասենյակում` ՄԱԿ-ի Զարգացման հիմնադրամի ծրագրում։
Հիշեցնենք` բնապահպանության փոխնախարար Այսեր Ղազարյանը մայիսի 23-ին հայտնել էր, որ հրաժարականի դիմում է ներկայացրել։ Դրանից հետո նա Sputnik Արմենիա մամուլի կենտրոնում հրավիրված ասուլիսի ժամանակ ներկայացրել էր իր այդ քայլի հիմնական պատճառները`գերատեսչության ղեկավարությանը մեղադրելով ոլորտի խնդիրների լուծման համար ադեկվատ գործողություններ չձեռնարկելու համար։
