ԵՐԵՎԱՆ, 14 հուլիսի — Sputnik. Մերձմոսկովյան Սոլնեչնոգորսկ շրջանում վթարի է ենթարկվել «Ռոբինսոն» ուղղաթիռը, որում 2 մարդ է եղել։ Այս մասին տեղեկացնում է Baza տելեգրամ–ալիքը։
14 հուլիսի 2019, 21:05
Նախնական տվյալներով` ավիավթարի հետևանքով զոհվել է Ռուսաստանի թեթև ավիացիայի ֆեդերացիայի նախագահ Իգոր Նիկիտինը։ Մյուս զոհվածի ինքնությունը ճշտվում է։
Մոսկվայի ԱԻՆ ծառայությունը հաստատել է ուղղաթիռի վթարի մասին լուրը։ Հայտնում են, որ ուղղաթիռը վտանգավոր վայրէջք է կատարել, և 2 օդաչուներն էլ մահացել են։
Վթարի պատճառներն ու հանգամանքները պարզվում են։
