ԵՐԵՎԱՆ, 13 հուլիսի — Sputnik. Թուրքիայի Բուրսա քաղաքում բնակվող Հասան Աջարը, որի թխվածքը Գինեսի ռեկորդների գրքում է գրանցված, ավանդական թուրքական բյորեկ է ուղարկել ՌԴ նախագահ Վլադիմիր Պուտինին։ Այս մասին հրուշակագործը հայտնել է ՌԻԱ Նովոստիին։
Նա նշել է, որ նվերը կապված է ռուսական С-400 զենիթահրթիռային համալիրները Թուրքիա մատակարարելու հետ։
Երեկ Թուրքիայի պաշտպանության նախարարությունը հայտարարել է C-400 –ի մատակարարման մեկնարկի մասին։
«Այսօր, ինչպես խոստացել էի, թխվածք ուղարկեցի նախագահին։ Մեր ռեստորանի ակցիան բազում մարդկանց էր հավաքել, որոնք եկել էին թխվածքը տեսնելու», - ասել է Աջարը։
Кондитер из турецкого города Бурса Хасан Аджар, рекордсмен Гиннесса, испёк традиционный турецкий пирог (бёрек) для Путина. Готов был и просто так, но тут и повод нашелся - начало поставок С-400.
— Кремлевский пул РИА (@Kremlinpool_RIA) 13 июля 2019 г.
Новая программа России: ЗРК в обмен на продовольствие. И победим, и поедим pic.twitter.com/W75i1zlWov
Նրա խոսքով` երբ ռեստորանի այցելուներն իմացել են, որ դա «խոհարարական» պատասխանն է С-400-ի մատակարարմանը, ողջունում էին գաղափարը։
Հրուշակագործն ասել է, որ փոխադրող ընկերության աշխատակիցները զարմացել են, երբ իմացել էին՝ ով է հասցեատերը։
«Նրանք ասացին, որ իրենց հիշելով` սա առաջին դեպքն է», - ավելացրել է Աջարը։
Նա վստահ է, որ թխվածքը մոտ ապագայում Պուտինին կհասցնեն, այնպես որ բարի ախորժակ է մաղթել ՌԴ նախագահին։
Հարությունով. «Որոշակի պահի Երևանին կարող են հետաքրքրել С-400 համակարգերը»
С-400-ի չորս դիվիզիոնի (2,5 միլիարդ դոլարի) մատակարարման գործարքը կնքվել է 2017 թվականին։ Պայմանագրով նախատեսված գումարի մի մասը Թուրքիան ինքնուրույն է վճարելու, մյուսը՝ ռուսական վարկի հաշվին։
Նշենք, որ 2012 թվականին Աջարը գրանցվել է Գինեսի ռեկորդների գրքում ամենամեծ բյորեկը թխելու համար։ Թխվածքի երկարությունը 2023 մետր է եղել։
ՌԴ-ի հետ С-400–ի գործարք ենք կնքել. որևէ մեկից թույլտվություն չենք հարցնելու. Էրդողան
