ԵՐԵՎԱՆ, 13 հուլիսի- Sputnik. ՀՀ բարձր տեխնոլոգիական արդյունաբերության նախարար Հակոբ Արշակյանի հրամանով «Հայաստանի հեռուստատեսային և ռադիոհաղորդիչ ցանց» ՓԲԸ գլխավոր տնօրեն Գագիկ Ալոյանն ազատվել է աշխատանքից: Գլխավոր տնօրենի պարտականությունները ժամանակավորապես ստանձնել է տնօրենի տեղակալ Հրանտ Սարոյանը: Այս մասին գրում է «Փաստ» թերթը։
«Որոշումը պայմանավորված է եղել այն հանգամանքով, որ Ալոյանից վերջին ժամանակներս պարբերաբար դժգոհություններ ունեին հատկապես մարզային հեռուստաընկերությունների տնօրենները»,– նշում է թերթը:
Պամպերսի առաքիչն էլ կարող է լուրջ պաշտոն զբաղեցնել. ո՞վ կլինի ՄԻԵԴ-ում ՀՀ ներկայացուցիչը
Ըստ պարբերականի` ոլորտի տարբեր մասնագետների և մարզային հեռուստաընկերությունների մի քանի տնօրենների կարծիքով՝ տնօրենի լավագույն թեկնածուն ՓԲԸ մյուս փոխտնօրեն Սահակ Դավթյանն է:
