ԵՐԵՎԱՆ, 11 հուլիսի — Sputnik. Վրաստանում տեղի ունեցած ավտովթարից վերջին տուժածը տեղափոխվեց Երևան։ Այս մասին Facebook–ի իր պաշտոնական էջում գրել է ՀՀ առողջապահության նախարար Արսեն Թորոսյանը։
Արսեն Թորոսյանն այցելել է Վրաստանի սարսափելի վթարից հետո ՀՀ տեղափոխվածներին
«Վրաստանում տեղի ունեցած վթարի պատճառով վերջին տուժած երեխան տեղափոխվեց Երևան։ Նա արդեն հետազոտվում է, գտնվում է բժիշկների մշտական հսկողության տակ»,–գրել է Թորոսյանն ու տեղեկացրել, որ վիճակը դեռ մնում է ծայրահեղ ծանր։
Հիշեցնենք`հուլիսի 7–ին ողբերգական ավտովթար էր տեղի ունեցել Թբիլիսի-Սենակ-Լեսելիձե ավտոճանապարհի 100-րդ կմ-ում. ժամը 06։00-ի սահմանում «Mercedes» մակնիշի ավտոմեքենան (վարորդ՝ Ա.Մ., 43 տարեկան) բախվել էր արգելապատնեշին և բռնկվել։ Վթարի հետևանքով 3 մարդ մահացել էր, որից երկուսը` երեխա։
Վրաստանի Ստեփանծմինդա գյուղի մոտ ծեծել են հայ վարորդների
Վթարից տուժած 5 քաղաքացիներից 3-ին հուլիսի 8–ին «Շտապօգնության» ծառայության մեքենայով Վրաստանից տեղափոխվել են Հայաստան:
Նրանցից 2-ը՝ 12 և 16 տարեկան երեխաներ, տեղափոխվել են Երևանի քաղաքապետարանի ենթակայության «Սուրբ Աստվածամայր» բժշկական կենտրոն:
Վրաստանի հիվանդանոցից «Սուրբ Գրիգոր Լուսավորիչ» ԲԿ է տեղափոխվել նաև Հայաստան տեղափոխված երեխաներից մեկի մայրը։
