ԵՐԵՎԱՆ, 8 հուլիսի — Sputnik. Կրեմլում անընդունելի են համարում վրացական «Ռուսթավի 2» հեռուստաալիքի եթերում Ռուսաստանի նախագահ Վլադիմիր Պուտինի հասցեին հնչեցրած վիրավորանքները։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
Նրա խոսքով` հեռուստաալիքի հաղորդավարի արարքը վայել չէ վրացի ժողովրդին։
«Խստորեն դատապարտում ենք այդ արարքը», – ասաց Պեսկովը։
ՌԴ նախագահի մամուլի քարտուղարի տեղեկությամբ` Վրաստանի ամբողջ ղեկավարությունը նույնպես դատապարտել է այս արարքը։
Վրաստանի ղեկավարությունը պետք է ներողություն խնդրի. Թինա Կանդելակին` սկանդալի մասին
Հիշեցնենք, որ կիրակի օրը «Ռուսթավի 2» հեռուստաալիքի հեղինակային ծրագրի հաղորդավար Գեորգի Գաբունիան իր եթերը սկսել է Ռուսաստանի ՌԴ նախագահ Վլադիմիր Պուտինի հասցեին հնչեցրած հայհոյանքներով։
