ԵՐԵՎԱՆ, 8 հուլիսի — Sputnik. Հայաստանի և Բելառուսի միջև ապրանքաշրջանառությունը կարող է 10 անգամ աճել, քան ներկա 50 միլիոն դոլարը։ Այդ մասին ասել է Հայաստանի նախագահ Արմեն Սարգսյանը բելառուսական STV ալիքին տված հարցազրույցում։
«Ինձ համար 50 միլիոնը ոչ միայն վերջնակետը չէ, նույնիսկ սահման չէ, որովհետև ես տեսնում եմ պոտենցիալը, որը մի քանի անգամ ավելի բարձր է, քան այն, ինչ մենք ունենք», – ասել է Սարգսյանը։
Որպես օրինակ նա նշել է նոր տեխնոլոգիաները, այս ոլորտում համագործակցությունը կարող է շատ արդյունավետ լինել և մի քանի անգամ գերազանցել այդ թիվը։ Նրա կարծիքով` շրջանառությունը հանգիստ կարող է հասնել մի քանի հարյուր միլիոն դոլարի։
Համագործակցության մյուս հատվածը սննդի անվտանգությունն է։ «Հայաստանը փոքր երկիր է, բայց բարձրորակ գյուղատնտեսական մթերքներ ունի»,– ընդգծել է նախագահը և բերել հայկական կոնյակի օրինակը։
Նրա խոսքով` երկրները կարող են ակտիվացնել համագործակցությունը բարձր և նոր տեխնոլոգիաների ոլորտում գործակցության շնորհիվ։
«Այստեղ մեր համագործակցությունը կարող է շատ արդյունավետ լինել, կարելի է մի քանի անգամ բարձրացնել այդ թիվը։ Իմ կարծիքով` մինչև մի քանի հարյուր միլիոն դոլարի կարելի է հասցնել», – ասել է Սարգսյանը։
Նա նշել է, որ ներկա համագործակցությունն արդյունավետ է գյուղատնտեսության ոլորտում։ Այս ոլորտում երկրները կարող են միասին դուրս գալ երրորդ երկրների շուկաներ, ստեղծել համատեղ ձեռնարկություններ։
Օհ my god. ՀՀ նախագահը Բելառուսում վիրտուալ մոտոցիկլետ է վարել
ՀՀ նախագահի կարծիքով` 2 երկրները պետք է այսօր պատրաստ լինեն փոխհարաբերությունների ստեղծել թե՛ համալսարանների, թե՛ ՏՏ ոլորտի մասնագետների, թե՛ գյուղացիների և նրանց հետ, ովքեր զբաղվում են սննդամթերքի արտադրությամբ, որպեսզի պատրաստ լինեն առևտրի հետագա մասշտաբների ընդլայնմանը։
