ԵՐԵՎԱՆ, 8 հուլիսի — Sputnik. Երևանում ցուցադրվեցին Սերգեյ Փարաջանովի «Նռան գույնը» ֆիլմի ժամանակին արգելված և երբևէ չցուցադրված կադրերը։ Հայաստանի ազգային կինոկենտրոնի նախաձեռնությամբ, այսօր` հուլիսի 8-ին, Այրարատ կինոթատրոնում տեղի ունեցավ Ռոտերդամյան փառատոնի «Կինոյի տաճար» («Նռան գույնը» ֆիլմի հիմնական մոնտաժում չօգտագործված կադրեր) ինստալյացիա ձևաչափով ցուցահանդեսի երևանյան բացումը։ Այն նվիրված էր Սերգեյ Փարաջանովի 95-ամյակին։
![Արգելված կադրերը հասանելի են. Երևանում ցուցադրվեց Փարաջանովի «Նռան գույնի» մոնտաժված մասը Արգելված կադրերը հասանելի են. Երևանում ցուցադրվեց Փարաջանովի «Նռան գույնի» մոնտաժված մասը - Sputnik Արմենիա](https://cdn.am.sputniknews.ru/img/1952/31/19523156_0:0:1600:1068_600x0_80_0_0_12a5499827a486a7409ea4a5cc9a7439.jpg)
Հայաստանի ազգային կինոկենտրոնի տնօրեն Շուշանիկ Միրզախանյանը հիշեցրեց, որ ճակատագրի բերումով, Ս․Փարաջանովը առաջին անգամ արտասահման է մեկնել Ռոտերդամի միջազգային փառատոնի հրավերով՝ 30 տարի առաջ՝ 1988 թվականին։ «Ռոտերդամի փառատոնի պատասխանատուների «Կինոյի տաճար» համապարփակ ծրագրի կազմակերպումը խորհրդանշում է ևս մեկ կարևոր հոբելյան՝ կրկին փարաջանովյան։ Վարպետի 1969 թվականին նկարած «Նռան գույնը» ֆիլմն այս տարի դարձավ 50 տարեկան։ Ռոտերդամում այս հոբելյանը նշվեց յուրահատուկ ձևով ՝ ֆիլմից դուրս մնացած, վերականգնված ու մոռացումից դուրս կադրերը՝ ինստալացիայի միջոցով ներկայացվեց հանդիսատեսին»,- ասաց Միրզախանյանը։
![Արգելված կադրերը հասանելի են. Երևանում ցուցադրվեց Փարաջանովի «Նռան գույնի» մոնտաժված մասը Արգելված կադրերը հասանելի են. Երևանում ցուցադրվեց Փարաջանովի «Նռան գույնի» մոնտաժված մասը - Sputnik Արմենիա](https://cdn.am.sputniknews.ru/img/1952/31/19523141_0:0:1600:1068_600x0_80_0_0_249a2c6c3a6b36abe324018f68469df4.jpg)
«Նռան գույնը» ֆիլմի երաժշտության հեղինակ, անվանի հայ կոմպոզիտոր, ՀԽՍՀ ժողովրդական արտիստ Տիգրան Մանսուրյանը պատմեց, որ ինքը երեք ամիս` օրը 18 ժամ աշխատել է այս ֆիլմի համար։
![Արգելված կադրերը հասանելի են. Երևանում ցուցադրվեց Փարաջանովի «Նռան գույնի» մոնտաժված մասը Արգելված կադրերը հասանելի են. Երևանում ցուցադրվեց Փարաջանովի «Նռան գույնի» մոնտաժված մասը - Sputnik Արմենիա](https://cdn.am.sputniknews.ru/img/1952/31/19523151_0:0:1600:1068_600x0_80_0_0_ffd68ceb5a50323eb433154ca050fdff.jpg)
«Մի առած կա, որտեղ ասվում է , որ հայի չափը չափազանցն է։ Փարաջանովը միայն «Նռան գույնը» ֆիլմով հաստատեց հայի չափազանց լինելու միտքը։ Այս ֆիլմը նվիրված է մեր մեծագույն երգչին ՝ Սայաթ Նովային։ Եվ երբ առաջին անգամ ֆիլմը ցուցադրվեց, այսօրվա փառքը մենք չտեսանք։ Մարդիկ գալիս էին ու հեռանում։ Ցավում եմ, որ Փարաջանովն այս փառքը չտեսավ»,–ասաց Մանսուրյանը։
![Արգելված կադրերը հասանելի են. Երևանում ցուցադրվեց Փարաջանովի «Նռան գույնի» մոնտաժված մասը Արգելված կադրերը հասանելի են. Երևանում ցուցադրվեց Փարաջանովի «Նռան գույնի» մոնտաժված մասը - Sputnik Արմենիա](https://cdn.am.sputniknews.ru/img/1952/31/19523191_0:0:1600:1069_600x0_80_0_0_84529a85e6c0fc67e5c465f8aaaa051e.jpg)
Բացմանը ներկա էին նաև այս ծրագրի մտահղացման հեղինակ Դենիել Բըրդը և ծրագրի գլխավոր պատասխանատու Էդվին Կարելսը:
Հիշեցնենք, որ Ռոտերդամի միջազգային 48-րդ կինոփառատոնը (IFFR) 2019թ․հունվարին ներկայացավ առնձնահատուկ, նորացված ու ժամանակակից տարրերով՝ «Կինոյի տաճար» հայկական ծրագրով, որը նվիրված էր Սերգեյ Փարաջանովի 95-ամյակին։
![Արգելված կադրերը հասանելի են. Երևանում ցուցադրվեց Փարաջանովի «Նռան գույնի» մոնտաժված մասը Արգելված կադրերը հասանելի են. Երևանում ցուցադրվեց Փարաջանովի «Նռան գույնի» մոնտաժված մասը - Sputnik Արմենիա](https://cdn.am.sputniknews.ru/img/1952/36/19523656_0:0:1600:1068_600x0_80_0_0_56b01b3309919d1442ef8ea34f228643.jpg)
«Կինոյի տաճար» ծրագրի շրջանակներում, արդեն հուլիսի 9-ին, «Մոսկվա» կինոթատրոնում կկայանա Սերգեյ Փարաջանովի երեք վերականգնված կաճամետարժ ֆիլմերի՝ «Եռաֆիլմ»-ի ցուցադրությունը։