ԵՐԵՎԱՆ, 7 հուլիսի — Sputnik. Հայտնի մարզիկ Միհրան Հարությունյանը այս օրերին Երևանում է, նա տեսանյութեր և լուսանկարներ է հրապարակել Երևանի տեսարժան վայրերից:
2016 թվականի օլիմպիական խաղերի արծաթե մեդալակիր, հունահռոմեական ոճի ըմբիշ Միհրան Հարությունյանը Instagram-ի իր հետևորդներին ցույց է տվել, թե ինչպես կարելի է ազատվել երևանյան տապից:
Посмотреть эту публикацию в Instagram
Հրապարակված տեսանյութում երևում է, թե ինչպես է Միհրանի մարզիչը՝ Սվետլանա Անդրեևնան, շշով ջուրը լցնում մարզիկի գլխին:
«Առյուծը պաշտպանվում է շոգից», «Մազերդ կտրիր», «Մեր սիրելի Միհրանը», «Դա օղի է, թե ջուր»,- ծիծաղելի մեկնաբանություններ են գրել Միհրանի էջի բաժանորդները:
Посмотреть эту публикацию в Instagram
Ավելի վաղ Միհրանն իր մարզչի հետ լուսանկար էր հրապարակել և մեկնաբանել. «Առավոտյան մարզում անցկացրինք Կասկադի բարձրունքում»:
Մայիսի 17-ին Ռուսաստանում անցկացվող Չեմպիոնների գավաթի խաղարկությունում Հարությունյանը 10:0 ջախջախիչ հաշվով հաղթեց իր մրցակցին`բելառուսցի Յարոսլավ Քարդաշին:
«Մալադեց». Միհրան Հարությունյանին ապագա հաղթանակների է պատրաստում Սվետլանա Անդրեևան
Հիշեցնենք, որ հայ մարզիկը հայտարարել է, որ վերադառնում է ըմբշամարտ և մտադիր է 2020 թվականին մասնակցել Տոկիոյում կայանալիք օլիմպիական խաղերին: Ըմբիշի խոսքով`նա մտադիր է վերցնել այն, ինչ պատկանում է իրեն` ակնարկելով, որ ուզում է տիրանալ օլիմպիական խաղերի ոսկե մեդալին:
