Սարսափելի վթար Հայաստանում. «Գազելի» ուղևորներն այրվել ու մոխրացել են. լուսանկարներ

ԵՐԵՎԱՆ, 6 հուլիսի — Sputnik. Արարատի մարզում, Երևան-Երասխ ճանապարհին միմյանց են բախվել երկու մարդատար ավտոմեքենաներն ու Արարատ-Երասխ երթուղին սպասարկող «Գազել» մակնիշի միկրոավտոբուսը։ Բոլոր ավտոմեքենաներն այրվել են, «Գազելը» վերածվել է մոխրակույտի։

Արտակարգ իրավիճակների նախարարությունը հայտնում է, որ դեպքը տեղի է ունեցել ժամը 15:15-ին Զոդի կամրջի հատվածում։

Երևանում մարդատար ավտոբուսն ընկել է ձորը

Sputnik Արմենիայի տվյալներով` 6 անձ, այդ թվում`«Գազելի» վարորդը մահացել են, ավելի քան 10 մարդ` հոսպիտալացվել։ Այս պահին տեղում աշխատում են մեծ թվով հրշեջներ, քննիչներ ու ոստիկաններ, որոնք պարզում են մահացածների և վիրավորների ինքնությունը։

Թե ինչ կատարվել վթարից հետո, կարող եք տեսնել այստեղ։

ԱԻՆ–ի պաշտոնական տվյալներով` կա 5 զոհ, 9 տուժած։

«Իմ աչքի առաջ էին այրվում, ուզում էի օգնել, չէի կարողանում մոտենալ». վթարի ականատես

Մամուլում առկա տեղեկություններով` հրշեջները մարել են հրդեհն ու «Գազելում» հայտնաբերել 5 մոխրացած դի։

Տուժածների թվում երեխաներ կան. մեկը 7 տարեկան է

Երևանում ապրող աղջիկը դանակով կտրտել է իրեն և տեսանյութը հրապարակել Instagarm–ում