ԵՐԵՎԱՆ, 4 հուլիսի — Sputnik. ՀՀ կառավարությունն այսօրվա նիստում առանց քննարկման հաստատեց ՀՀ նախագահի աշխատակազմին հատկացված գումարներում վերաբաշխում անելու մասին որոշման նախագիծը։
Դրանով որոշվեց ավելացնել 2019 թվականի պետական բյուջեով նախատեսված ՀՀ նախագահի «Արտասահմանյան գործուղումների գծով ծախսեր» տնտեսագիտական հոդվածի ծախսերը` «հնարավոր գործուղումների ծախսերը փոխհատուցելու համար»:
Ավելացումը կազմում է 30 մլն դրամ, որը ոչ թե նոր հատկացում է, այլ նախագահի աշխատակազմին հատկացված այլ ծախսերից կատարված վերաբաշխում։
