Եվրոպական երկրորդ խաղերից հաղթանակով վերադարձած հայ մարզիկներին «Զվարթնոց» օդանավակայանում դիմավորեցին մարզասերները, հարազատներն ու ընկերները։
1 հուլիսի 2019, 17:38
Հայ մարզիկներն իրենց հաջողությունների մասին պատմեցին նաև օդանավակայանում նրանց դիմավորող Sputnik Արմենիայի նկարահանող խմբին։
Եվրոպական խաղերից հայ մարզիկները 19 մարզաձևից 9-ում նվաճել են 11 մեդալ` 5 ոսկե, 3 արծաթե ու 3 բրոնզե:
Ոսկե մեդալով հայրենիք են վերադարձել բռնցքամարտիկներ Հովհաննես Բոչկովն ու Արթուր Հովհաննիսյանը, սամբիստ Տիգրան Կիրակոսյանը, ըմբիշ Արթուր Ալեքսանյանը և մարմնամարզիկ Արթուր Դավթյանը:
