ԵՐԵՎԱՆ, 29 հունիսի – Sputnik. Հայաստանի նախկին նախագահ Ռոբերտ Քոչարյանը կմնա «Սիստեմա» ԲՖԿ–ի տնօրենների խորհրդի կազմում։
Ինչպես հայտնում է ՌԻԱ Նովոստին, այսօր տարեկան ժողովի ընթացքում «Սիստեմա» ընկերության բաժնետերերը վերընտրել են տնօրենների խորհրդի նախկին կազմին։
Ռոբերտ Քոչարյանին կալանավորելու որոշում կայացրած դատավորին պատասխանատվության չեն ենթարկի
Տնօրենների խորհրդում իրենց տեղերը պահպանել են նաև «Սիստեմա» ԲՖԿ–ի հիմնական սեփականատեր Վլադիմիր Եվտուշենկովը, «Սիստեմայի» նախագահ Անդրեյ Դուբովսկովը, Segezha Group–ի (պատկանում է ԲՖԿ–ին) նախագահ Միխայիլ Շամոլինը, Կորպորացիայի առաջին փոխնախագահ Ֆելիքս Եվտուշենկովը, «ՌՏՏ» ԲԲԸ–ի (մտնում է ԲՖԿ–ի մեջ) գլխավոր կոնստրուկտոր Սերգեյ Բոևը, «Բիմ–Բիլ–Դանի» նախկին համասեփականատեր Դավիթ Յակոբաշվիլին, KPMG–ի ռուսաստանյան ստորաբաժանման նախկին ղեկավար Ռոջեր Մանինգսը, լյուքսեմբուրգյան քաղաքական գործիչ Ժանո Կրեկեն, Deutsche Telekom–ի նախկին նախագահ Ռոն Զոմերը և «Սիստեմայի» աուդիտի, ֆինանսների և ռիսկերի գծով կոմիտեի անդամ, պրոֆեսոր Աննա Բելովան։
«Սիստեմա» ԲՖԿ–ն ներդրումային հոլդինգ է, որն ակտիվներ ունի հեռուստահաղորդակցման, տրանսպորտի, էլեկտրոնիկայի, մեդիաոլորտի, էլեկտրաէներգետիկայի, մանրածախ առևտրի, ֆինանսների, բժշկության, դեղագործության և կենսատեխնոլոգիաների ոլորտում։ «Սիստեմա» ԲՖԿ–ի հիմնական բաժնետերը Վլադիմիր Եվտուշենկովն է, որին պատկանում է ընկերության բաժնետոմսերի 59,2%–ը։ Նրա որդուն` Ֆելիքս Եվտուշենկովին, պատկանում է 5,1817%–ը։
Քոչարյանի կալանավորումը շարունակվող քաղաքական վրեժխնդրության հերթական դրսևորումն է. ՀՀԿ
