ԵՐԵՎԱՆ, 29 հունիսի – Sputnik. RT–ի և Sputnik–ի գլխավոր խմբագիր Մարգարիտա Սիմոնյանի ընտանիքի ընթրիքի ճաշացանկում իտալական խոհանոցի ուտեստներ են եղել։ Նա Instagram–ի իր էջում հրապարակել է այդ ուտեստների լուսանկարներն ու մանրամասն ներկայացրել դրանց բաղադրատոմսերը։
«Ձախում կանգնած մորուքավորը հայրս է». Մարգարիտա Սիմոնյանը հրապարակել է հոր լուսանկարը
Մասնավորապես, Սիմոնյանը պատմել է ծովախեցգետնով աղցանի մասին։
«Եվս մեկ աղցան մեր կիրակնօրյա իտալական ընթրիքից», – գրել է Սիմոնյանը։
Посмотреть эту публикацию в Instagram
Նա սկզբում ծովախեցգետինը մարինացրել է կիտրոնի հյութում, հետո տապակել։ Ավելացրել է ավոկադո, կտրատել, անմիջապես վրան լցրել կիտրոնի հյութը։ Այս ամենը համեմել է չերրի տեսակի լոլիկով, ռուկոլայով, չորացրած լոլիկով, ձիթապտղի յուղով և բալզամիկ քացախով, վերջում մի փոքր մեղր է ավելացրել։
Սիմոնյանը պատասխանել է նաև իր էջի բաժանորդներին հետաքրքրող հարցին` ե՞րբ է նա հասցնում տարատեսակ ուտեստներ եփել։
«Ցավոք, ես միայն հանգստյան օրերին եմ պատրաստում։ Բայց արտադրական մասշտաբներով։ Կիրակի սովորաբար սեղանի շուրջ հավաքվում են 15-20 հոգի, հարազատներ և ընկերներ, և մենք պատրաստում ենք կոնկրետ խոհանոցի ուտեստներ։ Անցած կիրակի իտալական խոհանոց էր, այդ պատճառով էլ ամբողջ շաբաթվա ընթացքում իտալական խոհանոցի ուտեստներ էի հրապարակում», – պարզաբանել է Սիմոնյանը։
Սեղանին նաև պեպերոնատա է եղել, որի համար անհրաժեշտ է խորանարդաձև կտրատած բուլղարական պղպեղ, սոխ, սխտոր, կեղևը հանած լոլիկ։ Խառնուրդը տապակելուց հետո ավելացնում են պղպեղ, օրեգանո և ռեհան։
Посмотреть эту публикацию в Instagram
Բազմաթիվ ուտեստների թվում նաև շիկասունկ է եղել, որը տապակվել է իտալական ձևով` սխտորով և ռոզմարինով։
Ընթրիքի մասնակիցները նաև «Ֆրիտո միստո» են վայելել։
Օգտատերերը բազմաթիվ մեկնաբանություններ են գրել Մարգարիտա Սիմոնյանի հրապարակած լուսանկարների տակ։
«Տիգրանի բախտը բերել է։ Երանի բոլորն այսպիսի կին ունենային»,– գրել է օգտատերերից մեկը։
Ոսկի է, ոչ թե սկեսուր․ ինչո՞ւ Մարգարիտա Սիմոնյանը վարդագույն կոստյում չի հագնի
«Մարգարիտա, սուպեր եք։ Տիգրանին ավելի շատ սկսեցի հարգել, երբ նա ձեզ ընտրեց», «Մարգո, ոսկի ձեռքեր ունես», «Որքան համեղ և գեղեցիկ է ամեն ինչ ձեզ մոտ։ Կեցցեք», – գրել են մյուսները։
Սիմոնյանը հաճախ է նման տոնախմբություն կազմակերպում ընտանիքի համար։
Մարգարիտա Սիմոնյանը ցույց է տվել` ինչպես է զվարճանում ամուսինը. տեսանյութ
