ԵՐԵՎԱՆ, 25 հունիսի – Sputnik. Ռուսաստանից Հայաստան մեկնող ավտոբուսում արգելված բեռ հայտնաբերելու պատճառով Վերին Լարսի անցակետում գտնվող շուրջ 5 տասնյակ ՀՀ քաղաքացիները մեկ այլ ավտոբուսով տեղափոխվում են Հայաստան։ Այս մասին հայտնում է Վրաստանում Հայաստանի դեսպանությունը։
«Ավտոբուսը ճանապարհին է և այժմ գտնվում է Թբիլիսիում»,– նշված է հաղորդագրության մեջ։
Ավելի վաղ հայտնի էր դարձել, որ ավտոբուսը Մոսկվայից դուրս է եկել հունիսի 22-ին, Վերին Լարսի անցակետի վրացական հատվածում կանգնեցվել երեկ՝ առավոտյան ժամը 06։00-ին` արգելված բեռ տեղափոխելու համար։
Մոսկվայից Երևան ընթացող, հայկական «Ավազառ բուս» ուղևորափոխադրող և բեռնափոխադրող ընկերության ավտոբուսը Վերին Լարսի անցակետում էր մնացել գիրոսկուտերի պատճառով։
