ԵՐԵՎԱՆ, 24 հունիսի — Sputnik. Հունիսի 23-ին, ժամը 15:30-ին «911» ծառայությանն ահազանգ է ստացվել, որ Գեղարքունիքի մարզի Լճաշեն գյուղում փլուզվել է անասնագոմերից մեկի տանիքը, կա տուժած, անհրաժեշտ է փրկարարների օգնությունը:
Ինչպես հայտնում է ԱԻՆ լրատվական ծառայությունը, պարզվել է, որ Լճաշեն գյուղում ջրագծի փոս փորելիս հողային զանգվածը թափվել է 2002 թ.–ին ծնված Է.Վ.-ի վրա:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ և հատուկ ջրափրկարարական ջոկատի օպերատիվ խումբը:
Փրկարարները 2.5 մ խորությամբ փոսից դուրս են բերել տուժածին, տեղափոխել Սևանի բժշկական կենտրոն, որտեղ երիտասարդը մահացել է:
