ԵՐԵՎԱՆ, 23 հունիսի — Sputnik. Հայաստանի նախկին վարչապետ Կարեն Կարապետյանն այս օրերին ընտանիքի՝ կնոջ, որդու, նրա կնոջ և փոքր թոռան հետ հանգստանում է Ծաղկաձորում՝ տեղի «Tsaghkadzor Marriott Hotel» հինգաստղանի հյուրանոցում։ Նախկին վարչապետը հրաժարվեց շփվել լրագրողների հետ։
Նշենք, որ մի քանի լրագրողներ, որոնց թվում է Sputnik Արմենիայի թղթակիցը, Ծաղկաձորում մասնակցում է սեմինարի՝ կազմակերպված Հայաստանի օմբուդսմենի գրասենյակի և «Քոնրադ Ադենաուեր» հիմնադրամի կողմից։
Կարեն Կարապետյանը հրաժարվեց զրուցել՝ ասելով, որ հիմա հարցազրույց չի տալիս։
«Բարի ախորժակ, բարի ժամանց», - լրագրողներին մաղթեց նախկին վարչապետը։
Հիշեցնենք, որ Կարեն Կարապետյանը զբաղեցրել է Հայաստանի վարչապետի պաշտոնը 2016-2018 թթ-ին։ Հրաժարական է տվել 2018 թ-ի մայիսի «թավշյա հեղափոխության» ֆոնին։ Դրանից հետո ակտիվություն չի դրսևորել մեծ քաղաքականությունում։
