ԵՐԵՎԱՆ, 20 հունիսի – Sputnik. ՀՀ արտգործնախարար Զոհրաբ մնացականյանը գոհ է ԱՄՆ նախագահի ազգային անվտանգության հարցերով խորհրդական Ջոն Բոլտոնի հետ հանդիպումից։ Նա այդ մասին գրել է Twitter–ի իր էջում
«Բավարարված եմ դեսպան Բոլտոնի հետ դրական մթնոլորտում, հանգամանալից և բովանդակալից քննարկումից»,– գրել է նախարարը։
Մնացականյանը նշել է, որ հանդիպման ժամանակ խոսել են ղարաբաղյան հակամարտության խաղաղ հանգուցալուծման, Հայաստանի և տարածաշրջանի խաղաղության ու անվտանգության օրակարգի, ինչպես նաև Հայաստան-ԱՄՆ համագործակցության մասին:
Pleased with positive, extensive & engaging discussion w/ Amb. Bolton on #NagornoKarabakh peaceful resolution process, #Armenia's and regional peace & security agenda, as well as #Armenia-#US bilateral coop. US plays important role as #OSCE MG CoChair along w/ #Russia and #France pic.twitter.com/NCAysYkvRA
— Zohrab Mnatsakanyan (@ZMnatsakanyan) 20 июня 2019 г.
«ԱՄՆ-ն կարևոր դեր է խաղում՝ որպես ԵԱՀԿ Մինսկի խմբի միջնորդ՝ Ռուսաստանի և Ֆրանսիայի հետ միասին»,– նշել է նա:
Հիշեցնենք՝ հունիսի 18-ին ՀՀ արտգործնախարար Զոհրաբ Մնացականյանն աշխատանքային այցով մեկնել է Վաշինգտոն, որտեղ Մինսկի խմբի համանախագահների միջնորդությամբ և մասնակցությամբ կայանալու է Հայաստանի և Ադրբեջանի արտաքին գործերի նախարարների հանդիպումը։
Զոհրաբյանը երեկ` հունիսի 19-ին, հանդիպել է ԵԱՀԿ Մինսկի խմբի համանախագահներին։
Ավելի վաղ ԱԳՆ–ն հայտնել էր, որ Ադրբեջանի կողմից հրադադարի շարունակական դատապարտելի խախտումները և սադրիչ գործողությունները, որոնք վերջին օրերին պատճառ են դարձել մարդկային անդառնալի կորուստների և հանգեցրել շփման գծում իրավիճակի լուրջ լարմանը, ձևավորել են հանդիպմանն ընդառաջ ոչ նպաստավոր միջավայր։ Ադրբեջանի գործողությունները, որոնք բնութագրվում են ուժի և ուժի սպառնալիքի կիրառմամբ, խոչընդոտում են խաղաղության համար բարենպաստ միջավայրի կայացմանը և ըստ այդմ խաթարում են խաղաղ կարգավորման գործընթացի առաջընթացին։
Նշենք, որ Մնացականյան–Մամեդյարով վերջին հանդիպումը կայացել է մայիսի 13-ին Բրյուսելում Արևելյան գործընկերության 10-ամյակին նվիրված նախարարական հանդիպման շրջանակում։
Մնացականյանն ավելի վաղ հայտնել էր, որ այս պահին Նիկոլ Փաշինյանի ու Իլհամ Ալիևի հանդիպման մասին խոսք չկա։
