ԵՐԵՎԱՆ, 18 հունիսի — Sputnik. Ֆանարջյանի անվան ուռուցքաբանության ազգային կենտրոնը չեն մասնավորեցնի։ Այդ մասին Հայաստանի խորհրդարանում հայտարարեց առողջապահության նախարար Արսեն Թորոսյանը։
Մինչև 2018թ–ի իշխանափոխությունը պետական գույքի մասնավորեցման ցուցակում ներառվել են Ֆանարջյանի անվան ուռուցքաբանության ազգային կենտրոնը և Ռադիացիոն բժշկության և այրվածքների գիտական կենտրոնը։ Ավելի ուշ որոշում է կայացվել չվաճառել դրանք։
Այդ երկու կենտրոնները միակն են իրենց տեսակի մեջ. դրանք օգնություն են ցուցաբերում այրվածքներով և ուռուցքներով հիվանդներին՝ ամբողջ հանրապետության մասշտաբով։
Ֆանարջյանի անվան կենտրոնը կարող է միաժամանակ ընդունել 500 հիվանդ, իսկ Ռադիացիոն բժշկության և այրվածքների գիտական կենտրոնը տարեկան բուժում է 500-600 մարդու և հսկողության տակ պահում 3 հազար հոգու։
Իրենց հանրապետական ընդգրկմամբ այդ հաստատությունները միակն են իրենց տեսակի մեջ տվյալ հիվանդությունների համար։ Ուստի որոշվել է չմասնավորեցնել դրանք։
Նախկին քննարկումների ժամանակ պատգամավորները նույնպես աջակցել են այդ որոշմանը։
