ԵՐԵՎԱՆ, 18 հունիսի – Sputnik․ Women’s club նախագծի նոր անդամը «Միսս հայուհի 2018» մրցույթի հաղթող Արենա Զեյնալյանն է: Նախագծի անդամ Գրիգն Instagram-ի իր էջում նոր լուսանկար է հրապարակել գեղեցկուհու հետ։
«Երբ Միսս Հայուհի 2018-ը դառնում ա Women’s-ի դերասանուհի, ու դու ուզում ես ցույց տաս, որ դու էլ վատիկը չես․․․ Արեանա Welcome to ամենառեյտինգային»,– լուսանկարին կից գրել է նա։
«Վիտամին» փրոդաքշընի տնօրեն Վլադիմիր Սահակյանը ԶԼՄ–ների հետ զրույցում ասել է, որ Արենան ներառվել է Women’s Club նախագծի հիմնական կազմում, սակայն ամեն ինչ ժամանակը ցույց կտա (հավանաբար Վլադիմիրը մտավախություն ունի, որ Լիլի Մորտոյի նման Արենան գուցե չհամակերպվի սցենարային լուծումների հետ և լքի նախագիծը ):
Արենայի մասնակցությամբ առաջին եթերն արդեն նկարահանել են, այն կցուցադրվի հունիսի 22-ին:
Հիշեցնենք, մոտ մեկ ամիս առաջ հայտնի դարձավ, որ հայկական «Բարբի», մոդել, էրոտիկ լուսանկարներով հայտնի Լիլի Մորտոն այլևս չի մասնակցի «Շանթ» հեռուստաընկերությամբ հեռարձակվող «Women’s Club» հումորային հաղորդաշարին։
«Միսս հայուհի 2018» մրցույթի հաղթող Արենա Զեյնալյանը զբաղվում է գեղանկարչությամբ ու դիզայնով։ Ոսկերչական իրերի պատրաստման հատուկ դասընթացներ է անցել, որոշ ժամանակ զարդերի դիզայներ է աշխատել։
